U Aŭstryi maci trymała dzicia na choładzie ŭ kletcy dla sabak. Jaje abvinavačvajuć u zamachu na zabojstva
U Aŭstryi 32-hadovaja žančyna znachodzicca pad śledstvam za katavańni i sprobu zabojstva svajho 12-hadovaha syna, jakoha jana zamknuła ŭ maleńkaj sabačaj kletcy. Jana taksama trymała jaho na choładzie i maryła hoładam.
Pra hetuju spravu stała viadoma niekalki dzion tamu, i jana ŭžo vyklikała chvalu abureńnia ŭ krainie, jak piša Bi-bi-si.
Žančyna znachodzicca pad vartaj ź listapada ŭ horadzie Krems, na paŭnočnym zachadzie ad Vieny. Palicyja zatrymała jaje paśla taho, jak rabotnik sacyjalnaj słužby zabiŭ tryvohu.
U palicyju źviarnuŭsia i baćka dziciaci, jaki žyvie asobna ad siamji.
Chłopčyka znajšli ŭ kamatoznym stanie, z tempieraturaj cieła ŭsiaho 26,8°S, jon byŭ blizki da śmierci paśla niekalkich miesiacaŭ katavańniaŭ, pra heta paviedamiŭ Jochan Baŭmšłahier, pradstaŭnik palicyi pravincyi Nižniaja Aŭstryja.
Dzicia terminova dastavili ŭ balnicu, a jaho maci na nastupny dzień aryštavali.
Pa słovach Baŭmšłahiera, žančynu padazrajuć u tym, što jana štodnia pa niekalki razoŭ ablivała chłopčyka chałodnaj vadoj i na niekalki hadzin adčyniała vokny kvatery pry nizkaj tempieratury pavietra.
Jon dadaŭ, što fizična dzicia ŭžo adnaviłasia, ale jaho psichałahičny stan pakidaje žadać lepšaha.
U kancy maja Viarchoŭny sud adchiliŭ skarhu maci na ŭtrymańnie pad vartaj ciaham niekalkich miesiacaŭ.
Čakajecca, što rasśledavańnie praciahniecca da kanca leta, zatym žančynie vystaviać abvinavačvańni.
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks11
Kamientary