Zamiena -vič na -ski ŭ proźviščy jak prajava «šlachieckaha blasku»
Historyk Mikoła Vołkaŭ padzialiŭsia ŭ fejsbuku nazirańniem, što z proźviščami ŭ rańni Novy čas u Vialikim Kniastvie Litoŭskim prahladajecca vyraznaja tendencyja zamieny patranimičnych sufiksaŭ -ovič (-jevič) na sufiks -ski (-cki). U hetym bačna imknieńnie nadać proźvišču taki «šlachiecki blask».
«U XVI—XVII stahodździach jano było charakterna dla vyšejšych słajoŭ. Naprykład, aŭtar karty Połackaha Kniastva časoŭ Stefana Batoryja (pieršaj vajskovaj karty ŭ Rečy Paspalitaj) Stanisłaŭ Pachałovič paźniej staŭ Pachałavieckim. A vybitny kartohraf Radziviłaŭ siaredziny XVII stahodździa Juzaf Naranovič staŭ Naronskim.
Da kanca XVIII stahodździa hetaja moda achapiła šyrokija słai drobnaj šlachty.
Siarod takich prykładaŭ ja znajšoŭ, imavierna, adnaho z prodkaŭ majoj žonki. U dvuch kvitach za adzin i toj ža 1778 hod jon nazvany i Jerzy Babkiewicz, i Jerzy Babkowski.
Cikava, što ŭ vopisie da spravy Jerzy Babkiewicz-Babkowski byŭ nazvany ažno komisarzem. Ale na pavierku jon akazaŭsia kominiarzem, ci trubačystam. Kali pajedu ź dziećmi nastupny raz u Niaśvižski zamak, abaviazkova raspaviadu im, što ich daloki prodak 200 hadoŭ tamu kominy ŭ zamku čyściŭ», — uśmichajecca navukoviec.
«Na zadnim fonie — chaty, krytyja sałomaj abo drankaj». Znaŭca staražytnych ikon raskazała, jak u ich spałučałasia kananičnaje i narodnaje
Vyjaviłasia, što salist «Pieśniaroŭ» Leanid Bartkievič — rodzič adnaho z ajcoŭ BNR
U pałacy pieršaha biełaruskaha arnitołaha budzie muziej. Z pastaŭskaj rezidencyi Tyzienhaŭzaŭ narešcie źjedzie balnica
Ciapier čytajuć
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii11
Kamientary