U Ekvadory pamierła žančyna, jakaja tydzień tamu «ažyła» padčas ułasnych chaŭtur
U Ekvadory 76-hadovaja Beła Mantoja pamierła praź niekalki dzion paśla taho, jak jaje znajšli žyvoju padčas padrychtoŭki da pachavańnia, jak piša «Mieduza» sa spasyłkaju na El Universo.
9 červienia Mantoju špitalizavali z padazreńniem na insult i spynieńnie serca. Daktary sprabavali dapamahčy žančynie, ale jana nie reahavała na reanimacyjnyja mierapryjemstvy. U vyniku jany kanstatavali jaje śmierć.
U toj ža dzień svajaki zavieźli cieła žančyny ŭ pachavalnaje biuro, ale padčas padrychtoŭki da pachavańnia žančyna pahrukała z truny. Paśla hetaha Mantoju znoŭ advieźli ŭ balnicu. U dačynieńni da daktaroŭ pačali pravierku.
16 červienia Mantoja pamierła ŭ pałacie intensiŭnaj terapii ŭ balnicy horada Babaojo, dzie jaje abjavili miortvaj u pieršy raz. Śmierć žančyny paćvierdzili jaje svajaki. Pavodle paviedamleńnia Ministerstva achovy zdaroŭja krainy, pryčyna śmierci — išemičny insult.
BBC News sa spasyłkaj na miascovyja miedyja paviedamlaje, što cieła žančyny ŭžo pachavali na hramadskich mohiłkach. Cyrymonijaj zajmałasia toje ž pachavalnaje biuro, jakoje naładžvała pieršaje pachavańnie Mantoi.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3838
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii38
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4646
Kamientary
ubačyŭšy takoje navat nie mieŭšy prablem z sercam 146 pudoŭ akačuryśsia