«Jon žyvie ŭ svaim śviecie. Časam u hety śviet pryjazdžaje Pucin». Zialenski adkazaŭ na prapanovu Łukašenki
Prezident Ukrainy padčas Varšaŭskaha forumu pa biaśpiecy acaniŭ prapanovu, ź jakoj u minułuju piatnicu vystupiŭ Alaksandr Łukašenka.
Łukašenka ŭ piatnicu zajaviŭ, što Ukrainie byli zrobleny «dobryja prapanovy», na jakija jana pavinna pahadzicca, inakš stracić usiu krainu. Jon taksama vykazaŭ hatoŭnaść sustrecca ź Zialenskim.
Padčas siesii pytańniaŭ i adkazaŭ na forumie prezidenta Ukrainy paprasili prakamientavać słovy Łukašenki.
«Mnie składana reahavać na toje, što kaža Łukašenka. Jon žyvie ŭ svaim śviecie, jaki jon pabudavaŭ, izalavaŭ siabie i žyvie tam try dziesiacihodździ. Ale hety dom, jaki jon pabudavaŭ, maje pamier z krainu. Ale ja chaču jamu nahadać, što jaho kraina — niezaležnaja. Jon žyvie ŭ svaim śviecie, ale časam u hety śviet pryjazdžaje Pucin. Jany pra niešta bałbočuć, dva davoli pažyłyja čałavieki. Chaj havorać», — adkazaŭ jon pa videasuviazi.
U prezidenta Ukrainy taksama pacikavilisia, jak jon aceńvaje pazicyju prezidenta ZŠA. Zialenski adznačyŭ, što Donald Tramp maje hłybokaje razumieńnie situacyi va Ukrainie. Pa jaho słovach, ciapier jano adpaviadaje rečaisnaści, a taksama stała spraviadlivym.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary