Były vajennapałonny Butkievič: Biełaruskija turmy možna paraŭnać ź vielmi žorstkimi ŭmovami ŭtrymańnia ŭkrainskich pałonnych u Rasii
Parłamienckaja asambleja Rady Jeŭropy 29 vieraśnia ŭ Strasburhu ŭručyła premiju ŭ halinie pravoŭ čałavieka imia Vacłava Havieła. Łaŭreatam 2025 hoda staŭ ukrainski žurnalist i pravaabaronca, były vajskoviec i vajennapałonny Maksim Butkievič, jakoha ŭ 2024 hodzie vyzvalili z pałonu pavodle abmienu. Da poŭnamaštabnaj vajny Maksim Butkievič jak abaronca pravoŭ čałavieka šmat dapamahaŭ biełaruskim uciekačam va Ukrainie. U intervju «Radyjo Svaboda» Butkievič raskazaŭ, jak možna paraŭnać stan biełaruskich palitviaźniaŭ i ŭkrainskich pałonnych u Rasii i na akupavanych jaje terytoryjach i ci budzie jon nadalej apiekavacca losam uciekačoŭ-biełarusaŭ.
Maksim Butkievič skazaŭ, što paśla pałonu nadalej adčuvaje siabie pravaabaroncam. Ale nie tolki:
«Heta paklikańnie, toje, što ŭ maim sercy, — abarona pravoŭ čałavieka. Ale ciapier častka majoj identyčnaści — być datyčnym da Sił abarony Ukrainy. I ja žurnalist, bo viarnuŭsia da svajho Hramadskaha radyjo, dzie znoŭ viadu svaju prahramu, pryśviečanuju pravam čałavieka. Hetyja try identyčnaści ŭva mnie zastajucca».
Butkievič pryznaŭ, što viartajecca da pytańniaŭ abarony pravoŭ čałavieka, jakich va Ukrainie ciapier šmat.
«Ale tema emihracyi biełarusaŭ, ludziej, jakija pakinuli svaje damy, zastajecca sa mnoj, tamu što ja joj šmat času i svajho žyćcia pryśviaciŭ, i jana zastajecca dla mianie vielmi važnaj. Heta tyčycca hramadzian roznych krain i biełarusaŭ u tym liku. Ja nie mahu zabyć i pra Biełaruś, i pra tych biełarusaŭ, jakija byli vymušanyja pakinuć svaju krainu, ź niekatorymi ja zastajusia ŭ kantakcie.
Toje, praz što prachodzić Biełaruś, — heta biezumoŭna trahiedyja. I ja vielmi spadziajusia, što Biełaruś budzie svabodnaj i tyja, chto zachoča, viernucca. Ale heta mahčyma tolki tady, kali Ukraina budzie volnaj i zmoža adstojvać svaju svabodu i niezaležnaść. Dla mianie baraćba za Ukrainu, za jaje svabodu, — heta baraćba i za Biełaruś taksama. I heta dla mianie važna ciapier».
Maksim Butkievič paraŭnaŭ, jak ukraincy vychodzili z rasijskaha pałonu z tym, jak vychodzili z turmaŭ źniasilenyja biełaruskija palitviaźni, časam jany navat źniešnie vyhladali padobna:
«U roznych miescach utrymańnia ŭkrainskich pałonnych umovy adroźnivajucca. Jany nidzie nie dobryja naohuł, ale niedzie bolšy ŭzrovień fizičnaha hvałtu, niedzie mienšy…
Nakolki ja viedaju, u Biełarusi ŭ niavoli, tam, dzie znachodziacca palityčnyja viaźni, režym usiudy žorstki i nadzvyčaj abmiežavanaja kamunikacyja sa źniešnim śvietam, tamu daviedacca, jak heta adbyvajecca tam, składana. Ale z taho, što ja viedaju, heta možna paraŭnać ź niekatorymi vielmi žorstkimi ŭmovami ŭtrymańnia ŭkrainskich pałonnych u Rasii. Mahčyma, ź mienšaj kolkaściu svavolstva, a bolš zakručanym režymam».
Staŭleńnie da Biełarusi ciapier u paraŭnańni z 2022 hodam u jaho nie źmianiłasia, kaža Butkievič:
«Jano nie źmianiłasia. Biełaruś źjaŭlajecca krainaj, akupavanaj Rasijaj. U 2021 hodzie ŭ Biełaruś uvajšli rasijskija vojski dla vučeńniaŭ i nie vyjšli adtul nikoli. U mižnarodnym pravie heta maje nazvu akupacyja. Heta trahiedyja, praź jakuju ciapier prachodzić Biełaruś».
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ
Novy abmien pałonnymi vyzvaliŭ z rasijskaj niavoli ŭkrainskaha pravaabaroncu Maksima Butkieviča. Jon dapamahaŭ i biełarusam
«Ja zajmajusia hetym». Džon Koŭł pra vyzvaleńnie Alesia Bialackaha
Saša Filipienka: Statkievič — hłyba, ale ŭ Biełarusi ŭžo dastatkova Mandełaŭ na kvadratny mietr
Ciapier čytajuć
Čamu Biełarusbank rezka źniziŭ staŭki pa ipatecy i jak heta paŭpłyvaje na rynak nieruchomaści?3
Čamu Biełarusbank rezka źniziŭ staŭki pa ipatecy i jak heta paŭpłyvaje na rynak nieruchomaści?
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie1212
Kamientary
Niešta ni čuvać " pryčeplennych łaureataŭ" da Alesia Bielackaha z Ukraina
Na " niechtie" mutny cip" apostoł" niasie łuchtu..
Pa apošniaj zvodcy "Hajuna" na pačatak 2025 hoda kolkaść rasiejskich vojskaŭ u Biełarusi kala 2 tys. Ź ich bolšaść była tut i da vajny (naprykład, vuzieł suviazi "Vilejka"), z novaha - vojski na 2 biełaruskich aeradromach.
Nielha skazać, što hetyja vojski mienavita kantralujuć usiu terytoryju Biełarusi. Kali tolki terytoryju svaich v/č u Biełarusi.
Tamu akupacyi Biełarusi pa mižnarodnamu pravu niama.
Prarasiejski łukašenkaŭski režym kantraluje Biełaruś, i pačałosia heta zadoŭha da 2021-ha.
A za razumieńnie trahiedyi Biełarusi i jaje viaźniaŭ - pavaha.