U Vilni pakažuć try dakumientalnyja filmy pra padziei ŭ Biełarusi ŭ 2020 hodzie
Hledačam pakažuć filmy «Kvietki nie maŭčać» Andreja Kuciły, «Što my budziem rabić zaŭtra» Maksima Švieda i «Čym ja mahu vam dapamahčy» Kaciaryny Markaviec, paviedamlaje telehram-kanał «Śviaščenny Biełavud».
Pakaz adbudziecca 23 červienia (piatnica) u 19:00 u kinateatry Pasaka (vuł. Śviatoha Ihnata (Šv. Ignoto), 4), u miežach «Tydnia suprać katavańniaŭ». Uvachod volny.
Paśla pakazu adbudziecca hutarka z režysioram Maksimam Šviedam. Voś što sam aŭtar napisaŭ pra padzieju:
«Na žal, bolšaść biełaruskich filmaŭ paśla 2020 ciažka dajucca hledačam — hvałt i sucelnaja traŭma. Tamu, kali mianie paprasili paraić raboty, jakija buduć u temu tydnia suprać katavańniaŭ, to varyjantaŭ chapała.
Ale ja zusim zabyŭsia pra karotkamietražku, u jakoj raspavioŭ svaju ŭłasnuju historyju, a dakładniej, padzialiŭsia frustracyjaj. Hladzieć jaho mnie ciažka i zaraz, bo da razhublenaści dadałosia pačućcio ŭsioachopnaj marnaści i razumieńnie, što prymalnaha adkazu na pytańnie «Jak adzin čałaviek moža tak stavicca da druhoha?», padčas vajny niama».
Kamientary