Ikony, tałon u palikliniku i navat łavaš. Što biełarusy zasoŭvajuć u bankamaty
Pryjorbank pakazaŭ kalekcyju niezvyčajnych rečaŭ, jakija jaho śpiecyjalisty dastavali z bankamataŭ.
Siarod znachodak akazalisia čeki i fanciki, nievialikaja ikona, tałon da nieŭrołaha i navat kavałak łavaša. Miarkujučy pa apublikavanym fota, inžynieram traplalisia i bolš zvykłyja drobiazi — maniety, humki i saščepki.
Jak raskazała śpiecyjalistka banka, mienavita apošnija try katehoryi čaściej za ŭsio akazvajucca ŭnutry pryład.
U Pryjorbanku miarkujuć, što adbyvajecca heta chutčej vypadkova, a nie naŭmysna: naprykład, starońni pradmiet moža trapić u bankamat razam z pačkam kupiur, jakija kładzie čałaviek.
Dla samoj pryłady takaja drobiaź moža stać prablemaj. Starońni pradmiet zdolny spynić pracu resajklera, i karystacca im budzie nielha da pryjezdu śpiecyjalista.
U banku nahadvajuć pra heta na vypadak, kali kamuści ŭ hety momant terminova spatrebicca źniać najaŭnyja abo papoŭnić kartku.
Ciapier čytajuć
Stalinista-jabaćku z Homiela zatrymali paśla taho, jak jon zaprasiŭ Łukašenku na hvałtoŭnaje zakryćcio svajho treciaha kafe19
Kamientary