U Małdovie razhladajuć mahčymaść poŭnaha spynieńnia ekspartu tavaraŭ u Biełaruś i Rasiju. Pra heta zajaviŭ ministr sielskaj haspadarki krainy Eŭdženiu Asmakiesku, piša «Komsomolskaja pravda v Mołdovie».
Pavodle słoŭ małdaŭskaha ministra, Małdovie varta admovicca ad ekspartu na hetyja dva rynki. Pry hetym ministr padkreśliŭ, što heta jaho asabistaja pazicyja, u cełym ža ŭłady razumiejuć: nieadkładnaja zabarona moža nanieści škodu małdaŭskim vytvorcam.
Asmakiesku adznačyŭ, što ŭ Małdovie jość eksparciory, jakija pracujuć ź biełaruskim i rasijskim rynkami, pryčym biełaruski kirunak dla ich bolš značny. Tamu pierad mahčymym uviadzieńniem zabarony, na jaho dumku, nieabchodna raspracavać prahramu padtrymki takich kampanij i dapamahčy im pieraaryjentavacca na rynak Jeŭrapiejskaha sajuza.
Ministr taksama zajaviŭ, što taki krok dazvoliŭ by Małdovie prademanstravać svaju prychilnaść mižnarodnym sankcyjam u dačynieńni da Biełarusi i Rasii.
Pavodle infarmacyi Ministerstva zamiežnych spraŭ Biełarusi, asnoŭnymi tavarami, jakija Małdova ekspartuje ŭ Biełaruś, ciapier źjaŭlajucca vino i mocnyja ałkaholnyja napoi, sadavina i harodnina, lekavyja srodki, tara, a taksama niekatoryja prybory i pryłady.
U studzieni 2026 hoda Małdova pačała praces vychadu z SND. Čakajecca, što jon zavieršycca pryblizna viasnoj 2027 hoda. Adnačasova kraina padała zajaŭku na ŭstupleńnie ŭ Jeŭrapiejski sajuz.
Ciapier čytajuć
Stalinista-jabaćku z Homiela zatrymali paśla taho, jak jon zaprasiŭ Łukašenku na hvałtoŭnaje zakryćcio svajho treciaha kafe4
Kamientary