Minabarony rychtujecca pryniać na biełaruskich palihonach rasijskija padraździaleńni i vahnieraŭcaŭ
Biełaruś rychtujecca pryniać novyja rasijskija padraździaleńni dla praviadzieńnia «bajavoha zładžvańnia i padrychtoŭki» ŭ ramkach rehijanalnaj hrupoŭki vojskaŭ, jak paviedamiła Minabarony.
«Na palihonach Biełarusi zaviaršajecca padrychtoŭka, a taksama praviadzieńnie bajavoha zładžvańnia čarhovych padraździaleńniaŭ Uzbrojenych sił Rasijskaj Fiederacyi sa składu RHV. Ciapier palihony Uzbrojenych sił krainy rychtujucca pryniać čarhovuju źmienu dla praviadzieńnia mierapryjemstvaŭ sumiesnaj padrychtoŭki vajskoŭcaŭ Biełarusi i Rasii», — havorycca ŭ paviedamleńni.
Minabarony paviedamlaje, što papiaredniaja płanavaja ratacyja rasijskich padraździaleńniaŭ pravodziłasia bolš za miesiac tamu i paśpiachova zavieršanaja.
Tam taksama zajavili, što ŭ vypadku prybyćcia PVK «Vahnier», jaje bajcy buduć raźmieščanyja na palihonach.
«Akramia taho, paśla prybyćcia pradstaŭnikoŭ PVK «Vahnier» i ich raźmiaščeńnia na palihonach dla praviadzieńnia zaniatkaŭ i ŭzajemnaha abmienu dośviedam asablivuju ŭvahu płanujecca ŭdzialić pryjomam i sposabam viadzieńnia bajavych dziejańniaŭ Uzbrojenymi siłami Respubliki Biełaruś», — dadali ŭ ministerstvie.
Na minułym tydni Minabarony pryviezła zamiežnych žurnalistaŭ na palihon pad Asipovičami, kab pakazać, što vahnieraŭcaŭ tam niama, a vykarystoŭvać łahier buduć nibyta dla terabarony.
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami12
Kamientary