U Minsku źjaviłasia ŭstanova, dzie možna pahulać z vožykami
U centry Minska adkryłasia antykaviarnia, dzie zamiest ježy i napojaŭ možna pahulać z vožykami afrykanskaj parody. Usiaho ich ciapier u štacie ŭstanovy vosiem, ale źbirajucca pašyracca, piša Tochka.by.
U prastornym pamiaškańni niekalki stałoŭ ź nievialikimi placoŭkami. Nad imi schililisia darosłyja i dzieci, jakija nazirajuć za vožykami. Možna žyviolinu ŭziać i ŭ ruki.
Hetyja vožyki — nie tyja, što vodziacca ŭ našych lasach. Jany afrykanskija, vyhadavanyja ŭ niavoli i pryzvyčajenyja da čałavieka, tamu navat nie skručvajucca ŭ kłubok pry pieršych prykmietach uvahi da siabie.
Jak raskazała kiraŭnica antykaviarni Volha Barkoŭskaja, choć adkrylisia jany zusim niadaŭna, im užo davodzicca pavialičvać kalučaje pahałoŭje, bo achvotnych pakamunikavać z žyviołami šmat.
Ekśpierty, jakija znachodziacca pobač, pravodziać abaviazkovy instruktaž dla kožnaha naviedvalnika i ŭvažliva sočać, kab žyviolin nie kryŭdzili. Brać na ruki i hładzić vožykaŭ treba tolki peŭnym čynam: spačatku dać siabie paniuchać — «paznajomicca», a taksama nie čapać nos dy hałavu.
Taksama vožykaŭ ni ŭ jakim razie nielha karmić, choć u budučyni abiacajuć dadać pasłuhu pa karmleńni cvyrkunami.
Ciapier čytajuć
Ihar Tur patraciŭ minimum 30 tysiač na premijalnuju kuchniu FOTA23
Ihar Tur patraciŭ minimum 30 tysiač na premijalnuju kuchniu FOTA
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»33
Kamientary
30kop./min.
"norm" takaja ciena...
žonka Satana? ci inšaha futbalista, jakoj nadakučyła być chatniaj haspadyniaj?
i voś pakazvaju jamu hetu infu, maŭlaŭ, voś, možaš pakamunikavać z vožykam... a jon - a sens? kali jon biaspłatna da mianie pryjdzie?
i viedajecie što... i vied́ pryjšoŭ) tolki što... na leciščy