Łukašenka: Nichto ŭ kałhasie nie moža zvolnicca biez rašeńnia kiraŭnika
Nadyšoŭ čas navieści paradak z kadrami ŭ sielskaj haspadarcy, čarhovy raz zajaviŭ Alaksandr Łukašenka na tradycyjnaj naradzie, pryśviečanaj uboračnaj kampanii.
«Siońnia nivodny śpiecyjalist, nivodny kiraŭnik sielhaspradpryjemstva nie moža być pieraviedzieny na inšuju pracu abo zvolnicca biez rašeńnia staršyni rajvykankama», — cytuje Łukašenku «Sputnik».
Pavodle jaho słoŭ, paśla zvalnieńnia takoha śpiecyjalista nichto nie pavinien brać jaho na novuju pracu da taho momantu, pakul nie budzie dadziena narmalnaja charaktarystyka z papiaredniaj pracy.
Łukašenka asabliva adznačyŭ, što taki pryncyp pavinien pracavać na ŭsioj viertykali, kab staršynia rajvykankama i ŭsie, chto jość u abłasnym rejestry, taksama nie mahli kinuć pracoŭnaje miesca.
«Čas užo navieści paradak z kadrami. Toje ž samaje — nivodny miechanizatar, dajarka i hetak dalej u sielhaspradpryjemstvie (kałhasie, saŭhasie) nie moža kroku stupić naleva-naprava biez rašeńnia kiraŭnika. Zamknionaja viertykal i adkaznaść», — abmalavaŭ pierśpiektyvy Łukašenka.
Na jaho dumku, žnivo źjaŭlajecca ŭsienarodnaj spravaj. Tamu płanujecca dadatkova zadziejničać try tysiačy miechanizataraŭ.
«Viedaju, mnohija mužyki, asabliva tyja, chto rodam ź vioski, śpiecyjalna biaruć adpačynki na lipień i ŭładkoŭvajucca pracavać kambajnierami, kab zarabić dobryja dadatkovyja hrošy dla svaich siemjaŭ», — dadaŭ Łukašenka.
-
MZS Polščy: «Pamahatary» ŭ rehistracyi na padaču na vizy pierastali być efiektyŭnymi
-
Kavaleŭski: Cichanoŭskija nie razumiejuć dalikatnaści i składanaści humanitarnaha treku, jaki pryvioŭ da vyzvaleńnia 300 palitviaźniaŭ
-
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»
Ciapier čytajuć
Na mitynhu ŭ Vilni zatrymali pravakatara. A Cichanoŭski zajaviŭ pra namier dabivacca sustrečy ź Zialenskim35
Kamientary
A jeŝio łučšie budiet, kohda biełorus budiet płotiť lično łukašienku, za to, čto jemu razriešili rabotať rabom v kołchozie, bolnicie, škole, zavodie, fabrikie, čtoby była pribyl, čtoby mientam zarpłaty płotiť, vahnierovcam posobija po biezraboticie, a nie traty na zarpłaty rabov v kołchozach i zavodach.