«Raźviedčyk, biznesoviec, afhaniec». Hety čałaviek budzie pradstaŭlać demakratyčnuju Biełaruś va Ukrainie

— Raskažycie pra siabie, chto vy, adkul?

— Ja hramadzianin Respubliki Biełaruś, naradziŭsia ŭ Baranavičach. Z 2020 hoda ŭdzielničaŭ va ŭsioj hetaj historyi. Kali trya ruchałasia pa Biełarusi, byŭ u składzie kamandy. Prajechaŭ usie harady ź imi. Na pačatku 2021 hoda vyjechaŭ za miažu. Apošnim časam pracavaŭ u Ofisie Cichanoŭskaj. Uvieś minuły hod i častku hetaha znachodziŭsia va Ukrainie, zajmaŭsia suviaźziu z dobraachvotnikami, byŭ kaardynataram dobraachvotnickaha ruchu ad Ofisa Śviatłany Cichanoŭskaj.

— A ŭ 2020 hodzie jak vy trapili ŭ kamandu taho trya?

— Tam była inicyjatyŭnaja hrupa, ja zajaviŭsia ŭ hrupu Valeryja Capkały, zajmaŭsia zboram podpisaŭ. Paśla tam źmianiłasia situacyja, Valeryj Viljamavič vyjechaŭ, Vieranika dałučyłasia da žanočaha trya, i ja pierajšoŭ u sumiesnuju kamandu.

— U vas cikavaje minułaje, vy byli afhancam, raźviedčykam.

— Tak, terminovuju słužbu ja słužyŭ u vajskovaj vyviedcy, maja vajskovaja śpiecyjalnaść — raźviedčyk. Słužyŭ u Afhanistanie.

— Dyk heta tolki terminovaja słužba, dalej vy nie praciahvali?

— Nie, tolki terminovaja.

— Raskažycie pra vašu pracu ŭ Ofisie ŭ apošni čas.

— Heta była kaardynacyja. Treba było ŭstalavać suviazi z usimi dobraachvotnickimi strukturami, jakija źjavilisia paśla 24 lutaha 2022 hoda, znajści punkty sudakranańnia, zrazumieć, čym my možam być uzajemna karysnyja, jakuju treba akazvać dapamohu. My adrazu ŭklučylisia ŭ hetuju pracu, zavozili aŭtamabili i inšyja rečy, patrebnyja vajaram. Ustalavalisia kantakty z kamandzirami, asobnymi vajarami. Była zadača zrazumieć ich žadańni, pačućci i dapamahčy im realizavacca ŭ siłu našych mahčymaściaŭ.

Pavialičyć

— Z pałkom Kalinoŭskaha vy taksama supracoŭničajecie?

— Tak, u nas dobryja stasunki ź minułaha hoda, z samaha pačatku. Pieršy raz my vyjechali tudy ŭ sakaviku letaś. Sustrakaŭsia taksama ź inšymi padraździaleńniami, jakija tam jość, z asobnymi bajcami dla razumieńnia ahulnaj situacyi. Starajemsia pryciahnuć da hetaha ahulnuju ŭvahu. Akazać dapamohu i ŭ hetym kirunku pracavać.

Siońnia situacyja źmianiłasia i supracoŭnictva pašyryłasia. Letaś kiraŭnictva Ukrainy da biełaruskich demakratyčnych sił staviłasia kali nie ź ihnoram, to prachałodna, bo jany nie zusim razumieli svaje dačynieńni z režymam i nie chacieli sabie naškodzić, bo ŭ nas ža 1064 kiłamietry sumiesnaj miažy. Tak što letaś situacyja była napružanaja. Ale sioleta ŭsio źmianiłasia. Jany pačuli dakładnyja pasyły, ciapier pracavali takimi sintent-hrupami, strat-kamandami. Jość nie mienš za try hrupy, jakija pracujuć niepasredna pa Biełarusi. Tamu my sprabujem pašyrać supracoŭnictva nie tolki na vajskovy kirunak, na našych dobraachvotnikaŭ, ale i na hramadzianskuju supolnaść i naładžvać kantakty z Ukrainaj i demakratyčnaj Biełaruśsiu. Pakul.

— Dyk pierad vami staić ambitnaja zadača abjadnać usich dobraachvotnikaŭ, kali nie ŭ adnu strukturu, to, prynamsi, tak, kab jany razam dziejničali na karyść Biełarusi?

— Tak. Naša zadača — znajści punkty sudakranańnia. My pavinny składać jak palityčny, tak i vajskovy kirunak, kab u budučyni vypracavać ahulnuju stratehiju. A taksama zrazumieć, jakija ŭ nas jość ahulnyja punkty sudakranańnia z kiraŭnictvam Ukrainy, kab u budučyni dziejničać razam.

— I vielmi koratka. Čym vy zajmalisia da 2020 hoda?

— Ja zajmaŭsia biznesam. U mianie jość firma. Ja byŭ dyrektaram. Zajmaŭsia i pieravozkaj aŭtamabilaŭ, i nieruchomaj majomaściu, zdavaŭ jaje ŭ arendu.

— Vas u 2020 hodzie zatrymlivali?

— Tak, dvojčy. Plus zatrymlivali maje mašyny. U mianie była «hrupa tavaryšaŭ», jakija zajmalisia biaśpiekaj trya.

• 54
• 0
• 6
• 7
• 2
• 3
• 6
• 0