Znajdzicie 10 adroźnieńniaŭ. U letniaj kalekcyi «Elemy» zaŭvažyli płahijat
Elema, jak vyhladaje, skapijavała kaścium viadomaj biełaruskaj dyzajnierki. Raskazvajem padrabiaznaści.
U letniaj kalekcyi Elema my zaŭvažyli kaścium sa štanami, jaki całkam nahadvaje dvojku viadomaha biełaruskaha brenda Kardash.
Adroźnivajecca jon ad aryhinała raźmiaščeńniem kišeniaŭ na žakiecie i pojasam štanoŭ: u Kardash jon na humcy, u «Elemy» — na pojasie. Asnoŭnyja kanstruktyŭnyja elemienty, a taksama koler skapijavanyja adzin u adzin.
Volha Kardaš, jakoj naležyć ideja kaściuma, padzialiłasia svaimi dumkami datyčna takoha «supadzieńnia»:
— U hetaj historyi niepryjemnyja dźvie rečy. Pieršaja — što, u adroźnieńnie ad nievialikich brendaŭ, u jakich niama dyzajnieraŭ i jakija «zatočanyja» na prodaž kopij, u «Elemy» dyzajnierskaja kamanda jość. Pry hetym na pradpryjemstvie nastolki drenna z kreatyvam, što jany kraduć usiu ideju całkam: ad samoj madeli da kalarovaj hamy. Škada, što brend, jaki mieŭ patencyjał, nie raźvivajecca i štampuje čužoje. Mnie za ich sumna.
Druhaja niepryjemnaja reč, jakuju zhadvaje Volha, — zarobak. Kapijujučy čužyja idei, vialiki vytvorca nie śpiašajecca vypłačvać aŭtarski hanarar sapraŭdnamu dyzajnieru.
— Pradpryjemstva zarablaje na majoj idei, dumajučy, što nichto hetaha nie zaŭvažyć. Kryŭdna, ale hetuju situacyju ja nijak vypravić nie mahu. Da taho ž «Elema» — tolki viaršynia ajśbierha, i vypadkaŭ płahijatu za historyju isnavańnia majho brenda było šmat. Adzin raz ja sprabavała pryniać miery, ale heta skončyłasia niervavańniem. Ciapier ja staŭlusia da situacyi pa-fiłasofsku: vyrašyła, što nie budu ŭłazić u hetyja razborki.
Šmathadovy dośvied pracy ŭ fashion-biznesie dapamahaje Volzie hladzieć na kradziež jaje madelej ź inšaha, bolš pazityŭnaha, boku:
— Spačatku, kali ŭźnikali takija situacyi, mianie heta chvalavała. Ale ciapier ja staŭlusia da kapijavańnia jak da kamplimientu. U kančatkovym vyniku ja adroźnivajusia ad płahijataraŭ tym, što jany nie mohuć ničoha prydumać, a ja mahu. I prydumlaju.
My nakiravali zapyt nakont kamientara ŭ markietynhavuju słužbu «Elemy», a taksama napisali ŭ instahram brenda. Pradstaŭniki kampanii pakul nie adkazali.
Ciapier čytajuć
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ33
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ3
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary
to bok nievialikim kraści možna?
vo. a kušať chočietsia vsiem