Papa Francišak pryznaŭ niedarečnaść zhadki pra rasijskich impierataraŭ u svajoj pramovie
Papa Francišak patłumačyŭ, što mieŭ na ŭvazie, kali kazaŭ pra «vialikuju Rasiju» pierad rasijskaj moładździu 25 žniŭnia. Pra Piatra I i Kaciarynu II jon, maŭlaŭ, uspomniŭ sa školnaha kursa historyi, i, mabyć, heta zhadka «nie była ŭdałaj». Pra heta Papa skazaŭ padčas razmovy z žurnalistami na borcie samalota, kali viartaŭsia z Manholii, paviedamlaje Vatican News.
Francišak rastłumačyŭ, što zaachvočvaŭ tady ruskuju moładź bierahčy spadčynu svajoj radzimy, «tamu što ruskaja spadčyna vielmi dobraja i vielmi pryhožaja». A kab rastłumačyć, pra jakuju spadčynu idzie havorka, pantyfik i źviarnuŭsia da idei «vialikaj Rasii». Ale, maŭlaŭ, «ja nie mieŭ na ŭvazie impieryjalizm, kali heta skazaŭ. Ja kazaŭ pra kulturu».
«Da prykładu, u halinie litaratury, u halinie muzyki, až da Dastajeŭskaha, jaki siońnia havoryć nam pra stały humanizm. Kab jany ŭziali na siabie hety humanizm, jaki raźviŭsia ŭ mastactvie i litaratury. Heta druhi aśpiekt taho, što ja kazaŭ pra spadčynu…
Treci, vidać, nie byŭ udały. Havoračy pra vialikuju Rasiju, mahčyma, nie stolki ŭ hieahrafičnym sensie, kolki ŭ kulturnym, mnie ŭspomniłasia toje, čamu nas vučyli ŭ škole: Piotr I, Kaciaryna II. I tut vypłyŭ hety treci elemient, mabyć, nie zusim pravilny. Nie viedaju. Chaj historyki skažuć. Ale heta pryjšło mnie da hałavy, tamu što ja vyvučaŭ tak u škole».
U toj ža čas Francišak pierakanany, što «ruskaja kultura maje pryhažość, maje vialikuju hłybiniu, i nie varta jaje ścirać z-za palityčnych prablem».
Nahadajem, što, vystupajučy pierad udzielnikami Ch Usierasijskaha dnia katalickaj moładzi ŭ Sankt-Pieciarburhu 25 žniŭnia, Papa Francišak skazaŭ siarod inšaha nastupnaje:
«Nikoli nie zabyvajcie pra spadčynu. Vy — naščadki vialikaj Rasii: vialikaj Rasii śviatych, kiraŭnikoŭ, vialikaj Rasii Piatra I, Kaciaryny II, toj impieryi — vialikaj, adukavanaj, vialikaj kultury i vialikaj čałaviečnaści. Nikoli nie admaŭlajciesia ad hetaj spadčyny. Vy — naščadki vialikaj Matuchny Rasii, kročcie napierad z hetym. I dziakuj vam, dziakuj za vaš sposab być, za vaš sposab być ruskimi».
Hetyja słovy vyklikali vialiki rozhałas i skandał, na ich siarod inšaha aficyjna adreahavała MZS Ukrainy.
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary