Vierasień na dvare, a jabłyki ŭ Biełarusi stali ŭdvaja daražejšymi za banany
U pačatku leta jabłyki byli dastupnyja dla biełarusaŭ: kiło abychodziłasia prykładna ŭ 2-3 rubli. Zdavałasia b, u vieraśni cana pavinna źnizicca. Ale ž nie.
U Biełarusi rvanuli ceny na jabłyki. Vielmi papularnaja ŭ narodzie sadavina stała takoj darahoj, što dazvolić jaje sabie možna chiba što z avansu abo zarobku, piša Tochka.by.
Čytač dasłaŭ u redakcyju fota z supiermarkieta «Jeŭraopt» u Minsku. Jon paskardziŭsia, što ŭ asartymiencie nie znajšoŭ biełaruskich jabłykaŭ, a impartnyja kaštujuć «jak kryło ad samalota».
«Jabłyki pa šeść rubloŭ i daražej. Dobra, kali b zimoj, ale ŭ pačatku vosieni… Adkul takija ceny? I čamu niama biełaruskich jabłyk?» — zadaŭsia jon rytaryčnym pytańniem.
Da prykładu, jabłyk «Džanahared» z Polščy kaštuje ŭ kramie handlovaj sietki 5,29 rubla.
Azierbajdžanski jabłyk «Hołden Delišys» pradajuć pa 5,79 rubla za kiło.
Rasijski jabłyk «Hała» kaštuje 5,15 rubla, a «Hreni Śmit» — 8,59 rubla.
Charakterna, što pobač lažać impartnyja banany — ekvadorskaja «ekzotyka» pradajecca pa 4,19 rubla za kiło.
A što z cenami ŭ dastaŭcy?
Treba adznačyć, što ŭ «Je-dastaŭcy» biełaruskija jabłyki jość i kaštujuć jany značna tańniej za impartnyja.
Da prykładu, kiło «Antonaŭki» pradajuć pa 2,59 rubla za kiło. Za miascovy zialony jabłyk prosiać 2,72 rubla.
Polski «Mutsu» pradajuć pa 8,20 rubla. Jość i rekardsmien pa košcie — niderłandski jabłyk «Kanzi» pa 16,99 rubla.
U dastaŭcy «Ałmi» znajšli tolki dva vidy jabłykaŭ, i abodva miascovyja. Biełaruski zialony kaštuje pa 3,14 rubla, jość i tańniej — pa 2 rubli.
U dastaŭcy Green było vosiem vidaŭ jabłykaŭ. Ad miascovaha «Pramianistaha» pa 1,99 rubla da impartnaha «Mutsu» pa 8,60 rubla.
Čamu daražejuć jabłyki?
Upłyvać na rost koštu jabłykaŭ mohuć roznyja faktary, u tym liku adrazu niekalki adnačasova. U tym liku i nieŭradžaj.
Mnohija biełaruskija fiermiery adznačajuć, što sioleta sady šmat chvareli, na ŭradžajnaści adbiłasia i zasušlivaja pieršaja pałova leta.
Taksama adznačym, što ŭrad sa žniŭnia 2023 hoda ŭvioŭ zabaronu na ŭvoz u krainu polskich jabłykaŭ. Hetaja miera pryniataja ŭ ramkach kontrsankcyj Minska suprać «niedružalubnych krain».
Praduktovaje embarha padoŭžanaje da 31 śniežnia 2023 hoda ŭklučna.
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3636
Kamientary