Pad Brestam vyraścili harbuz vahoj paŭtony. U jaho jość navat svaje sacsietki
Panazirać za tym, jak raście harbuz, možna ŭ tyktoku i juciubie. Kanał tak i nazyvajecca: «Tykva. Rastim bolšije tykvy». Tak što taki dzivosny ŭradžaj nie vypadkovaść, a metanakiravanaja praca. Navošta jaje robiać, u zachoplenaha dačnika daviedaŭsia «Anłajnier».
Viktar Dziamieška — bijołah, tamu praces vyroščvańnia harodniny cikavić jaho jašče i z prafiesijnaha punktu hledžańnia. Choć, pavodle jaho, u svaim chobi ŭ Biełarusi jon zusim nie adzinoki. I heta nie stereatypnyja babuli, jakija ŭsio leta pravodziać na dačy, a maładyja ludzi, časta nie starejšyja za 25-30 hadoŭ.
Hihanskij ovoŝ na učastkie. Tykva i ohorod. 4 sientiabria.
Svoj kanał Viktar viadzie z 2018 hoda. Pa sutnaści, za rostam harodniny možna nazirać u režymie anłajn — roliki vychodziać raz na niekalki dzion. Tady jon vyhadavaŭ harbuz vahoj 380 kh — jaho navat pakazvali na rajonnym śviacie ŭ Breście.
Nie suprać takoha varyjantu dačnik i hetym razam. Adziny niuans: kab pieramiaścić taki harbuz, patrebna śpiecyjalnaja technika — biez padjomnaha krana zrušyć jaho ź miesca naŭrad ci atrymajecca.
— A jeści jaho možna?
— Viadoma! Tolki što spravicca ź im ciažka. A pa smaku nijakich asablivaściaŭ niama. Jak i pa ŭtrymańni nitrataŭ. Adzin raz my pieradavali hihancki harbuz znajomamu, u jakoha ŭ haspadarcy šmat žyvioł — śpiecyjalna im na korm.
Viktar svaim prykładam imkniecca dakazać, što vielizarnuju harodninu možna vyroščvać samym prostym sposabam. Nie patrebny ni parnik, ni kropielnaja sistema palivu, ni navat asablivyja ŭhnajeńni. Ale važny sort: dobra padychodzić Atłantyčny hihant. Naprykład, sioleta harbuz palivali zvyčajnymi lejkami.
«Ty ŭ litaralnym sensie bačyš, jak harbuz raście na vačach. Naprykład, za papiaredni tydzień jon padros na 50 kh. Naohuł, hety sort dazvalaje raści płodu 120 dzion. Nie paśla pasadki, a mienavita płodu! Pakul dobraje nadvorje, harbuz praciahvaje nabirać vahu».
Padliki pa formule pakazali, što jaho vaha nabližajecca da 450 kh. Ale dakładna skazać možna budzie tolki padčas ŭzvažvańnia.
Adzinaja tema, jakaja zasmučaje Viktara, — adsutnaść konkursaŭ siarod fiermieraŭ na samuju vialikuju vyraščanuju harodninu. Jon by pryniaŭ u im udzieł ź vialikim zadavalnieńniem.
Bolšije ohurcy. Mołodoj ohuriec. Ovoŝi hihanty.
Darečy, na ŭčastku Viktar taksama vyroščvaje bujnyja ahurki, ažyny i słaniečniki.
Ciapier čytajuć
Prakurorski načalnik aburyŭsia nieabhruntavanymi zatrymańniami biełarusaŭ8
Kamientary