U Rasii pačali kampaniju suprać litary Z. Inicyjavaŭ Duhin, padchapiŭ Markaŭ
«Z — eto diejstvitielno svastika dla impotientov. Eto simvoł pozora russkoho niepobiedimoho sołdata», — pišuć prapahandysty.
Rasijskija prapahandysckija kanały pačali luta krytykavać jašče niadaŭna śviaščenny simvał — litaru Z, jakuju z pačatku vajny ŭ Rasii malavali litaralna paŭsiul (i nie tolki ŭ Rasii).
Usio pačałosia z publikacyi ŭ kanale šavinistyčnaha rasijskaha ideołaha Alaksandra Duhina, dzie toj skazaŭ pra litaru Z, što heta «kiepski simvał i pijaraŭskaja padrobka», jaki «ničoha nie značyć».
Hetuju chvalu krytyki adrazu ž padchapili i inšyja rasijskija prapahandysckija miedyja, niekatoryja ź ich navat i nie saromielisia ŭ svaich vyrazach.
«Z — heta jak unitaz. Davajcie našyvać sabie na šaŭrony ŭnitazy i pamirać za ich. Navat bolš sensu budzie», — napisaŭ kanał Alex Parker Returns.
Tyja prapahandysckija resursy, jakija padtrymali Duhina, u svaich publikacyjach adznačali, što litary Z i V śviedčać ab parazie i haniebnym stanie ruskaj armii albo navat asacyjujucca ź inicyjałami prezidenta Ukrainy Uładzimira Zialenskaha.
Byŭ i kamientar, dzie litara Z nazyvałasia «svastykaj dla nikčemnaściaŭ i impatentaŭ».
Adnak znajšlisia i tyja, kamu nie spadabalisia arhumienty Duhina. Adny zajavili, što litara Z dobraja, bo «pajšła ad naroda, a nie ad palittechnołahaŭ». Druhim nie spadabałasia ideja zaŭsiody pamirać to za «Śviatuju Ruś», to za jakija-niebudź inšyja simvały. A trecim Z padabajecca, bo padobnyja simvały možna ŭžyvać u vybarčych kampanijach.
«Naša Niva» — bastyjon biełaruščyny
PADTRYMAĆU hałoŭnaha maskoŭskaha Z-patryjota znajšłasia kvatera ŭ Ispanii. Dapamohu ŭ pošukach akazaŭ sabaka siamji
«Usia heta vajna nam nach** nie patrebna». Cmierć Pryhožyna adbiłasia na nastrojach biełaruskich i rasijskich prapahandystaŭ
U Rasii zadumali ajčynnuju viersiju videahulni The Sims 4. Sa skrepami
Ciapier čytajuć
U Minsku pieradumali znosić chruščoŭki. Renavacyja zakranie dvuch-trochpaviarchovyja damy1
Kamientary