Ryhor Kastusioŭ vyjšaŭ z ŠIZA, ad jaho chavajuć vyniki ankałahičnaha daśledavańnia
Paśla 10 sutak vyjšaŭ z ŠIZA palitźniavoleny, były staršynia partyi BNF Ryhor Kastusioŭ, jaki adbyvaje pakarańnie ŭ kałonii «Voŭčyja nory» pad Ivacevičami. Pra heta sa spasyłkaj na svajakoŭ paviedamiŭ ziać palityka Źmicier Antončyk, jaki žyvie ŭ Polščy, paviedamlaje «Radyjo Svaboda».
«Raskazaŭ, što ciapier vielmi balać nohi. Nohi aciakajuć, bo ŭ jaho mocny varykoz. Va ŭmovach ŠIZA z varykozam vielmi ciažka. Nočču davodzicca lažać na hołych doškach, a ŭdzień narmalna niemahčyma navat pasiadzieć», — apisaŭ Źmicier Antončyk situacyju Ryhora Kastusiova.
Pa padlikach svajakoŭ Kastusiova, z času źniavoleńnia ŭ jaho heta byŭ čaćviorty termin u štrafnym izalatary. Za što hetym razam byŭ pakarany palitviazień, svajakam nieviadoma.
U vieraśni 2022 hoda sud pryznaŭ Ryhora Kastusiova vinavatym u zmovie z metaj zachopu ŭłady i asudziŭ na 10 hadoŭ źniavoleńnia. Jašče ŭ minskim SIZA ŭ jaho dyjahnastavali ankałahičnaje zachvorvańnie. Čarhovaje miedycynskaje abśledavańnie palitviazień prajšoŭ u žniŭni, ale pra vyniki ahladu i analizaŭ jamu nie paviedamili.
«Svajaki kažuć, što spadar Ryhor i ciapier, paśla ŠIZA, nie viedaje vynikaŭ daśledavańnia. Ničoha nie kažuć. I jon bolš ničoha pra stan zdaroŭja nie kaža», — skazaŭ Źmicier Antončyk.
Čytajcie taksama:
Źniavolenuju advakatku Juliju Jurhilevič uhanaravali Mižnarodnaj premijaj Terje
Kamientary