20-hadovaha ŭdzielnika žnivieńskaj akcyi pratestu ŭ Minsku ŭ 2020 hodzie źbirajucca pieravodzić z «chimii» ŭ kałoniju
U sudzie Čyhunačnaha rajona Viciebska siońnia, 11 kastryčnika, razhladajuć spravu ab uzmacnieńni režymu Arciomu Zakržeŭskamu. Pavodle rašeńnia sudździ Volhi Šapavał, jaho mohuć pieravieści ŭ kałoniju. Pryčyny ŭzmacnieńnia režymu nieviadomyja.
U sudzie Čyhunačnaha rajona Viciebska siońnia razhladajuć spravu ab uzmacnieńni režymu Arciomu Zakržeŭskamu. Pavodle rašeńnia sudździ Volhi Šapavał, jaho mohuć pieravieści ŭ kałoniju. Pryčyny ŭzmacnieńnia režymu nieviadomyja.
Kali sudździa prymie rašeńnie pra pieravod mužčyny, termin, jaki jon adbyŭ na «chimii», jamu pieraličać z raźlikam «dzień na «chimii» za dva ŭ kałonii».
Arcioma asudzili pavodle «narodnaha» art. 342 KK da 4,5 hoda «chimii» za ŭdzieł u akcyi pratestu ŭ Minsku ŭ noč z 9 na 10 žniŭnia 2020 hoda. Na toj momant jamu było 17 hadoŭ.
Akramia taho, zhodna z abvinavačańniem, pieršaha studzienia 2022 hodu jon nibyta «biezpadstaŭna ŭžyŭ hvałt u dačynieńni da inšaha mužčyny». Jaho zatrymali praz dva dni i inkryminavali č. 3 art. 339 KK (chulihanstva). Bok abvinavačańnia śćviardžaŭ, što Zakržeŭski pry hetym byŭ pjany.
Mužčynu ŭnieśli ŭ «śpis ekstremistaŭ».
Kamientary