Za palityku asudzili maładuju namieśnicu dyrektara škoły ź Bieniakoniaŭ
Kaciaryna Bartaševič pracavała namieśnicaj dyrektara pa vychavaŭčaj rabocie i rychtavała pryzioraŭ alimpijad.
Kaciarynie Bartaševič 31 hod.
Jana ź Lidy, ale ŭ apošnija hady žyła ŭ staražytnym sieliščy Bieniakoni Voranaŭskaha rajona Hrodzienskaj vobłaści.
U miascovaj siaredniaj škole žančyna zajmała pasadu namieśnicy dyrektara pa vychavaŭčaj rabocie.
Akramia administracyjnaj dziejnaści, Kaciaryna pracavała nastaŭnicaj fizičnaj kultury i zdaroŭja. Školniki, jakich jana rychtavała, nie raz stanavilisia pryziorami rajonnych i abłasnych etapaŭ respublikanskaj alimpijady.
Uviesnu hetaha hoda nastaŭnicu zatrymlivali. Kaciarynu asudzili ŭ Hrodzienskim abłasnym sudzie. Jaje abvinavacili pavodle častak 1 i 2 artykuła 361‑4 Kryminalnaha kodeksa Biełarusi — sadziejničańnie ekstremisckaj dziejnaści.
Kaciarynie prysudzili chatniuju chimiju. Pracavać u škole joj, jak «ekstremistcy», budzie nielha.
Masavyja palityčnyja represii ŭ krainie pačalisia paśla 2020 hoda. Tady Alaksandr Łukašenka prajhraŭ Śviatłanie Cichanoŭskaj, ale nie addaŭ joj ułady, a zmusiŭ jaje vyjechać za miažu. Adbylisia masavyja narodnyja pratesty suprać dyktatury i falsifikacyi vybaraŭ. Na heta ŭłady adkazali represijami.
Pavodle padlikaŭ abjadnańnia siłavikoŭ «Biełpoł» i pravaabaroncaŭ, viadomyja imiony jak minimum 10 050 čałaviek, jakija padpali pad palityčna matyvavanyja kryminalnyja spravy. Usiaho tyja ci inšyja palityčnyja represii (kryminałki, administratyŭki, zvalnieńni, pieratrusy, vymušanaja emihracyja) zakranuli sotni tysiač biełarusaŭ.
«Ekstremizmam» ułady Biełarusi ličać patrabavańnie pravieści svabodnyja vybary z prazrystym padlikam hałasoŭ, a taksama praktyčna ŭsialakuju krytyku ŭładaŭ, prarasijskich histaryčnych naratyvaŭ, prajavy salidarnaści z Ukrainaj, antyvajennyja vystupy.
«Naša Niva» — bastyjon biełaruščyny
PADTRYMAĆU siamji Mironcavych za palityku ŭžo asudzili maci i troch siaścior. A ciapier aryštavali i muža adnoj ź siaścior
Redaktarku dziaržaŭnaha vydaviectva asudzili za «sadziejničańnie ekstremisckaj dziejnaści»
U Homieli za palityku asudzili kiraŭnika abjadnańnia, jakoje šukaje pareštki achviaraŭ vajny i stalinskich represij, i jaho žonku-miedsiastru
Ciapier čytajuć
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju9
Kamientary
Koniečno, v rieprieśsijach vinovaty diemsiły i Počobut, a nie Łukašienko, Tur, Ejsmonty i ispołnitieli na miestach, kotoryje sažajut ludiej za łajki i dajut hody tiuŕmy za rieposty.