Hramadstva66

Biełarusku z polskim prajaznym dakumientam zamiežnika nie puścili ŭ Hruziju

Ajcišnica žyvie ŭ Polščy dva hady, jaje pašpart skončyŭsia, ale jość karta pobytu i polski prajazny dakumient zamiežnika. Niadaŭna dziaŭčyna vyrašyła zjeździć ź im u Hruziju na viasielle da siastry. Starannaje vyvučeńnie infarmacyi ŭ internecie i zakonaŭ pakazała, što prablem być nie pavinna. Ale vyjšła inakš, piša Dzik Pic. Voś jaje raspovied.

 Ilustracyjny zdymak. Fota: vecteezy.com

Jašče zadoŭha da pajezdki ŭ Hruziju ja pačała vyvučać infarmacyju nakont mahčymaści palacieć tudy z Polščy na padstavie karty pobytu i prajaznoha dakumienta.

Nie znajšoŭšy adnaznačnaj infarmacyi, ja napisała niekalki listoŭ u ambasadu Hruzii ŭ Polščy, ale ni na adzin ź ich nie atrymała adkazu. Telefanavała — nichto nie padymaje. Paprasiła znajomych u Hruzii patelefanavać u MZS Hruzii i aeraport Hruzii, dzie im rastłumačyli, što dadzienych dakumientaŭ dastatkova dla prachodžańnia pašpartnaha kantrolu. U dadatak da hetaha znajšła historyju chłopca, jaki dvojčy za leta lotaŭ na padstavie prajaznoha dakumienta ŭ Hruziju (ale ź inšaj avijakampanijaj — LOT).

Za tydzień da vyletu ŭbačyła dźvie publikacyi pra admovu Wizzair biełarusam z prajaznymi dakumientami ŭ Čarnahoryi i Turcyi, tamu vyrašyła źviazacca z avijakampanijaj, kab udakładnić infarmacyju. Ja apisała svaju situacyju i pryviała ŭžo viadomyja prykłady pa admovie avijakampanii prymać na bort samalota z padobnymi dakumientami. Adnak mianie zapeŭnili, što lacieć u Hruziju ja mahu.

U dzień palotu ja dadatkova razdrukavała hruzinskaje rasparadžeńnie, u jakim paznačana, što dastatkovym dakumientam dla prybyvańnia z Polščy ŭ Hruziju zjaŭlajecca abo šenhienskaja viza, abo DNŽ (što było ŭ mianie), i pajechała ŭ aeraport.

U infapunkcie aeraporta ja jašče raz udakładniła, ci treba mnie iści kudyści dadatkova na ŭzhadnieńnie, ci ja mahu prachodzić mytny i pašpartny kantrol, pakolki ček-in byŭ aformleny anłajn. Ja prajšła ŭsie kantroli paśpiachova i čakała pasadku na samalot.

U liku pieršych ja pakazała svaje dakumienty supracoŭnicy avijakampanii i tut raptam adkaz: maje dakumienty treba ŭzhadnić. Jana pačała razmaŭlać pa racyi, kudyści telefanavać, zrabiła fatahrafii maich dakumientaŭ i navat sfatahrafavała rasparadžeńnie. Adnak na praciahu 15-20 chvilin nijakaj infarmacyi nie pastupała, i supracoŭniki Wizzair prasili mianie čakać.

Kali da vyletu zastałosia krychu bolš za 10 chvilin, to jany ŭsio jašče sprabavali atrymać niejkaje rašeńnie, a zatym rastłumačyli, što maje dakumienty patrabujuć bolš praciahłaha ŭzhadnieńnia, i jany nie mohuć dazvolić sieści mnie ŭ samalot. Rastłumačyli, što ja mahu napisać pretenziju avijapieravozčyku, ale palacieć hetym rejsam ja nie zmahu.

U vyniku na viasielli ja prysutničała tolki anłajn. Było vielmi kryŭdna — chaj by ja lacieła adpačyvać i biez papiaredniaj padrychtoŭki, ale ja lacieła na važnuju padzieju i maksimalna da hetaha padrychtavałasia.

Ciapier ja padała skarhu ŭ avijakampaniju Wizzair, i mnie vielmi cikava, čym jany abhruntujuć svaje ŭzhadnieńni i admovu pasadzić mianie na samalot u Hruziju».

Kamientary6

  • Suliko
    25.10.2023
    Skupoj płatit dvaždy, a tupoj vsiehda. Čto miešało poletieť LOT, kotoryje jestiestvienno v kursie polskich dokumientov? Ach da, žadnosť
  • Vadzim
    25.10.2023
    dovieriaj no provieriaj, Hruzija tut ni pry čym. U Hruziju puskali. Nie puścili na bort wizzair u Polščy. Zahałovak chłusić
  • Woodoo Cult
    25.10.2023
    Vadzim , Da, pochodu aviakompanija utyrki. Snačała napisali, čto vsio v poriadkie, a kohda dieło došło nieposriedstvienno do polota, nie pustili na riejs. Podavaj žałobu i triebuj kompiersaciju s mad́jarov. 

Ciapier čytajuć

«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha131

«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha

Usie naviny →
Usie naviny

Minčanka kupiła kiłahram krevietak i amal pałovu vykinuła ŭ śmietnicu — adny hałovy4

Ukrainski F-16 źbiŭ rasijski Su-35 dziakujučy dapamozie šviedskaha samalota6

Skandał u vip-zale Minskaha vakzała: śvieckaj žurnalistcy Baženie Rynskaj zabaranili sieści z nahami ŭ kreśle15

Viełapadarožnik ź Pinska pajechaŭ u Smalenskuju vobłaść — i ŭ jaho tam skrali viełasipied4

Vučonyja dakazali efiektyŭnaść vyvučeńnia movy padobna niemaŭlatam1

Dziaŭčyna źniała na videa kampościer u aŭtobusie Bresta. U kamientarach haračaja sprečka — z-za minčukoŭ12

Čały praanalizavaŭ detali ŭkrainskaj apieracyi «Pavucińnie» i pryjšoŭ da niečakanaj vysnovy15

Tramp nakiroŭvaje Nachvardyju ŭ Łos-Andželesie, dzie iduć pratesty suprać palavańnia na mihrantaŭ20

Maładoha vypusknika Akademii MUS asudzili pa redkim artykule — za «parušeńnie achovy dziaržaŭnych sakretaŭ»6

bolš čytanych navin
bolš łajkanych navin

«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha131

«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha

Hałoŭnaje
Usie naviny →

Zaŭvaha:

 

 

 

 

Zakryć Paviedamić