U komikaŭ z «Dyziel-šou» vyjšaŭ novy humarystyčny vypusk, u jakim vyśmiejvajucca režymy ŭ Biełarusi i Rasii.
«Dyziel-šou» — ukrainski prajekt, ale ŭ im zdymajucca i biełaruskija komiki.
«U Biełarusi dźvie biady — Baćka i durni z Rasii», — tak pačynaje šou były ŭdzielnik kamandy KVZ «ČP» ź Minska Dźmitryj Tankovič.
Novy vypusk składajecca ź niekalkich siužetaŭ. U pieršym — situacyja, kali «Baćka nie prosta prapaŭ ź infaprastory, a trapiŭ u sapraŭdnuju komu».
U roli doktara vystupaje biełarus i eks-udzielnik kamandy «ČP» Jaŭhien Smaryhin. Jon sprabuje pravieryć reakcyju Łukašenki na słovy «Cichanoŭskaja» i «Pucin prasiŭ viarnuć doŭh». Ale reakcyi nijakaj.
— Dziŭna. Zvyčajna jon ad hetych słoŭ navat z hłybokaha narkozu vychodziŭ, — zaŭvažaje doktar i prapanoŭvaje «što-niebudź macniejšaje».
— «Žyvie Biełaruś!» — kryčyć na vucha dyktataru doktar. Hetym razam reakcyja jość: u pacyjenta pačaŭ ruchacca palec.
Dla pravierki bolevaha refleksu doktar sprabuje vykarystać kuvałdu, ale jamu pieraškadžaje supracoŭnik KDB (Dźmitryj Tankovič).
Čamu ž Łukašenka patrapiŭ u taki stan?
— Jadziernaja zbroja, — tłumačyć doktar.
— Jon što, apramieniŭsia?
— Naviarnuŭsia. Nam ža jadzierku pieradali. Jon palez na rakietu sfatahrafavacca.
Dalej komiki žartujuć, ci moža Łukašenka pamierci bieź viedama Maskvy.
— Moža, jon taho… Chacia jak taho. Zahadu ž z Maskvy nie było. Pravilna? — pytajecca kadebešnik.
— A što, jon biez zahadu nie moža kapyty adkinuć?
— Nie, zrazumieła. Jość subardynacyja. Usio dakładna damoŭlena. Spačatku Pucin. Potym naš.
Praź niekatory čas doktar prosić:
— Vy tam paśpiašajciesia, tamu što ja doŭha prychoŭvać nie zmahu.
— Nu vy pastarajciesia. Tamu što, nie daj boh, pra heta daviedajucca ŭkraincy, — adkazvaje čynoŭnik.
— I što? Napaduć z čatyroch napramkaŭ?
— Jak jany napaduć, kali napramak tolki jon viedaje? — pakazvaje na Łukašenku kadebešnik.
— Kali palaki pra heta daviedajucca, to skažuć, što Łukašenka ciapier jak AAN — taki ž biezdapamožny i nikomu nie patrebny.
U peŭny momant zjaŭlajecca pres-sakratar, jaki chvalujecca, što skazać narodu.
— Treba terminova zapisać videa, što z Baćkam usio ŭ paradku. — prapanuje pres-sakratar.
— Hienijalna. Jak vy heta zrobicie? — pytajecca kadebešnik.
Nie budziem usio pierakazvać, zaŭvažym tolki, što siužet maje niečakanuju kancoŭku.
U nastupnych častkach šou — humarystyčnyja scenki, u jakich komiki žartujuć nakont vajny, madelujuć situacyju pasiadžeńnia śpiecyjalnaha kamiteta paśla taho, jak «Pucin usio», ujaŭlajuć, nakolki mahčyma nastupleńnie na Ukrainu ź Biełarusi (jaho ŭdzielniki razmaŭlajuć pamiž saboju na biełaruskaj i ŭkrainskaj movach i dobra adzin adnaho razumiejuć), šukajuć zamienu Łukašenku i śpiecyjalista pa niamieckich tankach dla rasijskaj armii.
Čytajcie jašče:
U jutubie źjaviłasia sakavitaje šou pra biełaruskuju movu
Ci zmoža štučny intelekt pisać žarty pra Łukašenku zamiest Słavy Kamisaranki? Komik pravieryŭ
Maskoŭskaja kamanda KVZ pažartavała pra Pryhožyna, Łukašenku i elektronnyja pozvy
Kamientary