89-hadovy mužčyna ŭžo 27 hadoŭ sprabuje raźvieścisia sa svajoj žonkaj
Indyjskaja para ažaniłasia jašče ŭ 1963 hodzie. Mužčyna słužyŭ u vojsku, a jaho žonka była nastaŭnicaj. U ich naradzilisia troje dziaciej — dźvie dački i syn. Jany aboje ličyli svoj šlub «narmalnym», pakul mužčynu nie adpravili ŭ kamandziroŭku ŭ inšy horad.
Žonka admoviłasia dałučycca da jaho i zastałasia žyć sa svaimi baćkami, a zatym — z synam.
U 1996 hodzie mužčyna padaŭ na razvod. Praz čatyry hady jon atrymaŭ stanoŭčaje rašeńnie, ale jano było chutka admieniena. Byłaja žonka padała apielacyju, u jakoj śćviardžała, što jana ŭsimi siłami starałasia zachavać ich «śviatyja adnosiny».
Z tych časoŭ indyjec sprabavaŭ damahčysia paŭtornaha razhladu svajoj spravy ŭ Viarchoŭnym sudzie Indyi, kab narešcie atrymać razvod. Niadaŭna jaho žadańnie spoŭniłasia, ale vynik akazaŭsia nie zusim tym, na jaki jon raźličvaŭ. Sud pastanaviŭ, što, choć šlub muža i žonki «nie padlahaje vyratavańniu», hetaha niedastatkova dla razvodu.
Sud uličyŭ pazicyju 82-hadovaj žančyny, jakaja paabiacała, niahledziačy na doŭhaje rasstańnie z mužam, kłapacicca pra jaho ŭ staraści. Jana taksama prasiła sud nie davać razvodu, pakolki nie choča pamirać z «klajmom» raźviedzienaj.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary