89-гадовы мужчына ўжо 27 гадоў спрабуе развесціся са сваёй жонкай
Індыйская пара ажанілася яшчэ ў 1963 годзе. Мужчына служыў у войску, а яго жонка была настаўніцай. У іх нарадзіліся трое дзяцей — дзве дачкі і сын. Яны абое лічылі свой шлюб «нармальным», пакуль мужчыну не адправілі ў камандзіроўку ў іншы горад.
Жонка адмовілася далучыцца да яго і засталася жыць са сваімі бацькамі, а затым — з сынам.
У 1996 годзе мужчына падаў на развод. Праз чатыры гады ён атрымаў станоўчае рашэнне, але яно было хутка адменена. Былая жонка падала апеляцыю, у якой сцвярджала, што яна ўсімі сіламі старалася захаваць іх «святыя адносіны».
З тых часоў індыец спрабаваў дамагчыся паўторнага разгляду сваёй справы ў Вярхоўным судзе Індыі, каб нарэшце атрымаць развод. Нядаўна яго жаданне споўнілася, але вынік аказаўся не зусім тым, на які ён разлічваў. Суд пастанавіў, што, хоць шлюб мужа і жонкі «не падлягае выратаванню», гэтага недастаткова для разводу.
Суд улічыў пазіцыю 82-гадовай жанчыны, якая паабяцала, нягледзячы на доўгае расстанне з мужам, клапаціцца пра яго ў старасці. Яна таксама прасіла суд не даваць разводу, паколькі не хоча паміраць з «кляймом» разведзенай.
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі4
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары