Pierakładčyk, tyktokier, žurnalist — try vakansii ŭ «Našaj Nivie»
«Naša Niva» maje novyja vakansii. Voś kaho my hatovyja ŭziać na pracu prosta ciapier.
Naša Niva. Nadpis, zhienieravany niejrasietkaj glif.app
1) Pierakładčyk z anhlijskaj movy na biełaruskuju
Treba daskanała, svabodna vałodać biełaruskaj movaj i ŭmieć chutka i jakasna pierakazvać artykuły. Pieradumova tut — šyroki kruhahlad, vialikaje koła čytańnia ŚMI i chutkadziejnaść.
2) Tyktokier dla navinnaha kanała
Treba ŭmieć dobra trymacca ŭ kadry i mantažavać. I chacieć stać zorkaj.
3) Žurnalista, jaki choča pracavać ź videa, pisać scenary videasiužetaŭ
Nam patrebnyja ludzi, zdolnyja pisać scenary dla videasiužetaŭ (partretnych i pra padziei). Bazavaje patrabavańnie — umieńnie dobra pisać. Akramia taho, treba ŭmieć šukać infarmacyju, u tym liku raspytvać ludziej. Kali vy pry hetym hatovyja pracavać i ŭ kadry — vialiki dadatkovy plus. Kali vy majecie žurnaliscki dośvied, ale nikoli nie pracavali ź videa — nie biada. Kali vy hatovyja vučycca, to pišycie nam z prykładami svaich tekstavych publikacyj. Padkreślim, što tut treba mienavita žurnalist, z dośviedam.
Praca pa aficyjnaj damovie, zarobak na kartku. Redakcyja dapamahaje ŭ lehalizacyi. Vydatny kalektyŭ.
Dasyłajcie svaje prapanovy + infarmacyju pra siabie + spasyłki na svaje sacyjalnyja sietki + usio, što moža śviedčyć na vašu karyść na [email protected]. Možna vysyłać i pryvatna ŭ sihnał i telehram tym redaktaram i žurnalistam «Našaj Nivy», jakich vy viedajecie asabista, kali vy ličycie heta bolš biaśpiečnym dla siabie.
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ8
Kamientary
a Hryšu voźmicia?