Niadaŭna sfarmavany ŭrad Słavakii na čale z Robiertam Fica admoviŭsia ŭchvalić novy pakiet vajskovaj dapamohi Ukrainie na sumu 40,3 miljona jeŭra. Pakiet byŭ padrychtavany jašče pry raniejšym uradzie, jaki źmianiŭsia ŭ vyniku vybaraŭ.
U pakiet pavinny byli ŭvajści 4 miljony patronaŭ, bolš za 5 tysiač artyleryjskich snaradaŭ, 140 rakiet dla kompleksu SPA «Kub», jaki Słavakija pastaviła Ukrainie raniej, i vosiem minamiotaŭ z bojeprypasami dla ich.
Levy papulist Robiert Fica pryjšoŭ da ŭłady ŭ tym liku z abiacańniem spynić pastaŭki zbroi Ukrainie. Ciapier Słavakija, pavodle jaho, abmiažujecca tolki humanitarnaj dapamohaj.
U toj ža čas, admoviŭšysia ad pastavak zbroi Ukrainie na dziaržaŭnym uzroŭni, urad Fica zajaŭlaje, što nie budzie pieraškadžać pryvatnym słavackim kampanijam u vykanańni ich kantraktnych abaviazacielstvaŭ, u tym liku tych, što datyčacca pastavak Ukrainie ŭzbrajeńniaŭ.
Ciapier čytajuć
Pamiatajecie Daniłu z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ i z čaho ŭsio pačałosia1
Kamientary