Tyja aŭtamaty, jakija ŭžo pastavili ŭ handlovych abjektach i płanujuć, — heta inicyjatyva samich handlovych sietak.
Centralizavanaje ŭkaranieńnie depazitna-zakładnoj sistemy vykarystanaj tary ŭ Biełarusi pakul adkładajecca. Pra heta paviedamiła namieśnica dyrektara pradpryjemstva «Apieratar druhasnych materyjalnych resursaŭ» Nadzieja Areška, adkazvajučy na pytańni ab źjaŭleńni ŭ sietcy «Susiedzi» aŭtamataŭ dla zboru tary, pišuć Minsk-naviny.
— Tyja aŭtamaty, jakija ŭžo pastavili ŭ handlovych abjektach i płanujuć, — heta inicyjatyva samich handlovych sietak, jakija pazicyjanujuć siabie jak ekaadkaznych subjektaŭ. Heta dobra, i my padtrymlivajem heta. Što tyčycca centralizavanaj ustanoŭki taramataŭ, havorka idzie pra depazitna-zakładnuju sistemu, ukaranieńnie jakoj daŭno abmiarkoŭvajecca. Hetaja sistema prysutničaje ŭ Nacyjanalnaj stratehii pa abychodžańni ź ćviordymi kamunalnymi adkidami i druhasnymi materyjalnymi resursami da 2035 hoda. Ale pakul rašyli, što centralizavanaje ŭkaranieńnie depazitna-zakładnoj sistemy pakul treba adkłaści. Tam vielmi šmat nieŭrehulavanych pytańniaŭ, — patłumačyła N.Areška.
Pavodle jaje słoŭ, sistema praduhledžvaje ŭzajemadziejańnie vielmi mnohich subjektaŭ: vytvorcaŭ tavaraŭ i tary, imparcioraŭ, handlovych sietak i centralizavanaha orhana, jaki b kaardynavaŭ usiu hetuju dziejnaść.
— Akramia hetaha, stvareńnie dastupnaści hetaj sistemy dla nasielnictva patrabuje vielmi vialikich inviestycyj. Siońnia pryjarytet zrušyŭsia ŭ raźvićcio isnujučaj infrastruktury abychodžańnia z adkidami, i inviestycyi nakiroŭvajucca tudy. Da pytańnia centralizavanaha ŭkaranieńnia depazitna-zakładnoj sistemy płanujecca viarnucca paźniej, — paŭtaryła Nadzieja Areška.
Učora stała viadoma, što takija taramaty (fandamaty) staviać u sietcy kramaŭ «Susiedzi».
Kamientary