Prapahandyst Ryhor Azaronak pahavaryŭ pra budučyja vybary sa staršynioj Centralnaj vybarčaj kamisii Iharam Karpienkam. U tym liku spytaŭ, navošta Karpienka sustrakaŭsia ź siłavikami i ci buduć jany pradstaŭleny va Usiebiełaruskim narodnym schodzie.
Ihar Karpienka niadaŭna sustrakaŭsia z bajcami vajskovaj čaści 3214.
«Pa zakonie vajennasłužačyja i partyi — heta roznyja rečy. Tym nie mienš, u žyćci my bačym, što ad ich u tym liku palityčnaj pazicyi ŭ 2020 hodzie šmat zaležała. Jak jany vyjduć, jak prademanstrujuć siabie, jakija słovy havaryli našy siłaviki i hetak dalej. Mahčyma, UNS (Usienarodny biełaruski schod. — NN) daść im mahčymaść svaju dziaržaŭnuju, žaleznuju, praprezidenckuju pazicyju vykazać i abaraniać?» — zadaŭ pytańnie Azaronak.
Karpienka pahadziŭsia i adznačyŭ: «My pavinny ŭsprymać vajennasłužačych, pradstaŭnikoŭ siłavych struktur jak hramadzian Respubliki Biełaruś».
Jak patłumačyŭ Karpienka, ź siłavikami jany sustrakalisia jak z šarahovymi vybarcami, a nie prasili ŭ ich dapamohi pravieści vybary. U hetym «ničoha novaha i asablivaha niama», zajaviŭ jon, bo padobnyja sustrečy pravodziacca z daktarami i nastaŭnikami.
Jak tłumačyć Karpienka, pa novym vybarčym zakanadaŭstvie, u CVK zjaviłasia novaja funkcyja — «udzieł u arhanizacyi i mietadyčnaje supravadžeńnie aśvietnaj dziejnaści, farmavańnie pravavoj kultury maładych hramadzian u śfiery vybarčaha prava i vybarčych technałohij».
U hetym napramku CVK, pa słovach jaje staršyni, aktyŭna pracuje: «U nas zjavilisia takija hramadskija struktury, jak moładzievaja rada pry CVK. Ciapier idzie farmavańnie ekśpiertnaj rady pry CVK. Heta havoryć pra toje, što my dastatkova adkrytaja struktura i ŭzajemadziejničajem z hramadzianami, u tym liku vybarcami.
My taksama viadziem pryjom hramadzian, adkazvajem na pytańni ŭ ramkach svajoj kampietencyi. U nas budzie pracavać infarmacyjny centr CVK 24-26 lutaha, pramaja telefonnaja linija. Tamu heta zvyčajnaja rabota CVK u adpaviednaści z zakanadaŭstvam.
I dakładna my nie jeździli prasić dapamahčy pravieści vybary. Vybary arhanizuje taja sistema kamisij, jakimi my kirujem u adpaviednaści z zakanadaŭstvam».
Čytajcie jašče:
«Mohuć pryjechać». Karpienka prakamientavaŭ adsutnaść vybarčych učastkaŭ za miažoj
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli VIDEA95
Alaksandr Łukašenka tak lasnuŭsia na lod na chakiei, što trybuny zamierli VIDEA
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary
Pora, v uzakoniennom biezzakonii, normu propisať, čto pravom hołosa obładajut tolko sotrudniki mvd, sovmina, ap, khb, oac, mo....
Tohda vsio čiestno budiet.