«Hienierał SVR» Valeryj Sałaviej raskazaŭ, navošta jon prydumaŭ pra Pucina ŭ chaładzilniku
U kancy kastryčnika rasijski palitołah Valeryj Sałaviej zapuściŭ čutku pra śmierć Pucina. Jon paviedamiŭ, što kiraŭnik Rasii pamior, jaho cieła lažyć u chaładzilniku, ale pra śmierć prezidenta Rasii budzie paviedamlena paźniej.
Siońnia Valeryj Sałaviej raskazaŭ, navošta jon prydumaŭ historyju pra Pucina ŭ chaładzilniku, piša telehram-kanał «Intuicija podskažiet».
Jon kaža, što sprabavaŭ «dać akno mahčymaściaŭ rasijskaj apazicyi dla pieramien i napirać na fakt nielehitymnaści vybaraŭ dvajnika ŭ sakaviku 2024 hoda».
Na dumku Sałaŭja, rasijskaja apazicyja «demaralizavanaja, u jaje niama jasnaj realistyčnaj stratehii». Adnak u «apazicyi była mahčymaść vykarystoŭvać akno, stvoranaje th-kanałam «Hienierał SVR» i zaniacca pracesam delehitymizacyi režymu».
Pavodle «minimalnych acenak» (biez spasyłak na krynicy) Valeryja Sałaŭja, «70% žycharoŭ Rasii čuli pra toje, što Pucina niama ŭ žyvych. Kala 20% vierać u heta. I kala 40% dapuskajuć, što heta mahčyma.
«Ludzi hatovyja pryznać vybary nielehitymnymi. Prosta treba było pra heta ŭvieś čas kazać. Rasijskaja apazicyja ŭ vyniku pachavaje ŭsie šancy na źmienu situacyi», — upeŭnieny Valeryj Sałaviej.
***
U kancy kastryčnika Valeryj Sałaviej zajaviŭ, što Pucin pamior, jaho cieła ŭ morhu, ale pra heta paviedamiać paźniej.
«Nie ciapier, a praz dva ci try miesiacy, u zaležnaści ad abstavin, kirujučaja viarchuška Rasii abvieścić pra śmierć Pucina», — kazaŭ tady Valeryj Sałaviej.
Navina vakoł śmierci Pucina, u tym liku, abrasła sieryjaj žartaŭ, uklučajučy, što Sałaviej abviaściŭ siabie v. a. prezidenta i skančajučy tym, što jon zamienić Pucina ŭ sudzie ŭ Haazie.
Ciapier čytajuć
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniaja ŭciečka była ŭ 2026-m, a zasnavalniki — rasijanie3
Kamientary