Cierciel pałochaje: Siem tak zvanych charuhvaŭ u Polščy rychtujucca da zachopu abjektaŭ i teraktaŭ u Biełarusi
Pa słovach šefa KDB, samaja ahresiŭnaja charuhva bazujecca ŭ miescy, viadomym kožnamu biełarusu Biełastoka.
Siem tak zvanych charuhvaŭ u Polščy rychtujucca da zachopu abjektaŭ i teraktaŭ u Biełarusi. Pra heta ŭ razmovie z žurnalistami zajaviŭ staršynia Kamiteta dziaržaŭnaj biaśpieki Ivan Cierciel, piša BiełTA.
«Na terytoryi Polščy zaraz siem tak zvanych charuhvaŭ rychtujucca da teraktaŭ i zachopu abjektaŭ na biełaruskaj terytoryi. Najbolš ahresiŭnaja charuhva trenirujecca ŭ Biełastoku na vulicy kardynała Vyšynskaha, 6a [tam znachodzicca chab «Novaja ziamla» — NN]. Joj kiruje naš hramadzianin Asadułajeŭ 1991 hoda naradžeńnia, jaki kaliści navučaŭsia ŭ Vajskovaj akademii i ŭciok za miažu. Jon chavajecca pad psieŭdanimam «Šlachcic». Heta adna z najbolš ahresiŭnych struktur», — skazaŭ Ivan Cierciel.
Staršynia Kamiteta dziaržbiaśpieki zapeŭnivaje, što viedaje imiony supracoŭnikaŭ polskich śpiecsłužbaŭ, jakija nibyta kuryrujuć dziejnaść hetych charuhvaŭ.
«My ličym heta niedapuščalnym. My takuju praktyku nie vykarystoŭvajem i nie ličym, što heta dobra. Ukrainskija, polskija, prybałtyjskija kalehi pavinny hladzieć, kab hetaja zbroja nie paviarnułasia suprać ich. My nieadnarazova atrymlivali infarmacyju, što hetaja publika chacieła b ździejśnić pravakacyi z užyvańniem mietadaŭ 1939 hoda. My pamiatajem, z čaho pačynałasia Druhaja Suśvietnaja vajna — z pravakacyi niemcaŭ z vykarystańniem polskaj formy adzieńnia», — padkreśliŭ Ivan Cierciel.
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli VIDEA120
Alaksandr Łukašenka tak lasnuŭsia na lod na chakiei, što trybuny zamierli VIDEA
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary