Kino1313

Premjera kamiedyi ad «Biełaruśfilma»: u hałoŭnaj roli rasiejec, a małady režysior prapanuje vadzić školnikaŭ

Dniami ŭ prakat vyjšaŭ novy film «Biełaruśfilma» — «Kinošniki». Jon pra chłopca Mikałaja, jaki patrapiŭ pa raźmierkavańni na toj samy «Biełaruśfilm» i maryć źniać aŭtarskaje kino. Ale ŭčorašniaha vypusknika adpraŭlajuć pracavać u archiŭ kinastudyi. Chto źniaŭsia ŭ ajčynnaj kamiedyi? I ci płanuje chtości jaje hladzieć?

Fota z sajta belarusfilm.by

Prezientacyja «Kinošnikaŭ» adbyłasia bolš za miesiac tamu — film adkryvaŭ Minski mižnarodny kinafiestyval «Listapad». Naŭrad ci možna skazać, što biełaruskaja kamiedyja ŭraziła žury: «Kinošniki» atrymali dypłom «Za ščyraść i žyćciaradasnaść» u naminacyi «Kino maładych» i śpiecyjalny pryz Minharvykankama.

Ale režysior Kirył Chalecki byŭ poŭny aptymizmu. Na adnoj z pres-kanfierencyj jon kazaŭ, što hatovy ŭžo zdymać film-praciah ci navat sieryjał — kali hledačy zachočuć. «Suśviet «Kinošnikaŭ» dazvalaje zrabić prykvieł, praciah i, mahčyma, navat pieratvorycca ŭ sieryjał. My budziem nazirać za rejtynhami i vodhukami. Mahu skazać, što ja ŭžo dumaŭ nad praciaham, tamu kali aŭdytoryja dobra prymie naš pieršy film, my hatovy rabić druhi».

Fota z sajta belarusfilm.by

Recenziju na kamiedyju ciažka znajści navat u dziaržaŭnych ŚMI. Voś niekalki faktaŭ, jakija ahučvalisia: scenaryj pierapisvali ažno 12 razoŭ (darečy, scenarystami byli sam Chalecki i rasijanin Kanstancin Bakulin, jaki zvyčajna piša scenaryi dla sieryjałaŭ na TNT), zdymali film 21 dzień i 9 dzion mantavali. U «Kinošnikach» adbyłosia 24 prafiesijnyja debiuty, a kab dadać krychu «zornaści», zaprasili Juryja Stajanava.

Hałoŭnuju rolu vykanaŭ rasiejec Stanisłaŭ Piakarski, jaki dahetul paśpieŭ źniacca ŭ sieryjale «Sieva Kapucyn», dzie jamu dastałasia druhaja hałoŭnaja rola, a taksama adyhraŭ u epizodzie sieryjała cykła «Pra ludziej i pra vajnu». Ź biełaruskich akcioraŭ u «Kinošnikach» možna pabačyć Łalitu Tabarku, Alaksieja Anisienia, Uładzisłava Soładava, Juryja Ćvirko i Ivana Paŭłava.

Fota z sajta belarusfilm.by

Darečy, asoba režysiora taksama cikavaja. Kiryłu Chaleckamu 23 hady (jon tolki ŭ minułym hodzie skončyŭ Akademii mastactvaŭ), da «Kinošnikaŭ» źniaŭ karotkamietražnyja karciny «Daroha» i «Adnojčy była Ziamla», trojčy atrymoŭvaŭ premiju śpiecyjalnaha fondu Łukašenki.

Na pytańnie žurnalista «Biełaruskaha času» jak ža tak atrymałasia, što maładomu chłopcu dazvolili źniać poŭny mietr za košt dziaržsrodkaŭ, Kirył adkazaŭ:

«Dumaju, dapamahło, što ŭ Ministerstvie kultury da taho času ŭžo łunała: Kirył Chalecki, Akademija mastactvaŭ, uznaharody. Pierad raźmierkavańniem mnie patelefanavaŭ Uładzimir Michajłavič Karačeŭski, tady hienieralny dyrektar «Biełaruśfilma», prapanavaŭ ekśpierymientalny varyjant — nakiravańnie ŭ novaje padraździaleńnie, studyju maładziožnaha kino, režysioram. Skazaŭ, jość imaviernaść zrabić poŭny mietr.

Dla mianie heta było vielmi klova, tamu što ŭ 22 hady źniać poŭnamietražnaje kino — heta… Ščyra, ja naohuł takich prykładaŭ nie viedaju. I my praktyčna adrazu stali dumać nad scenaryjam. Praz paŭhoda zajaviŭsia na konkurs, i mnie vypaŭ honar zrabić debiutny poŭnamietražny film na zamovu Ministerstva kultury».

Kirył taksama adznačyŭ, što hałoŭnaha hieroja kamiedyi śpisvaŭ ź siabie.

Režysior Kirył Chalecki. Fota z sajta belarusfilm.by

A voś mietady papularyzavać biełaruskaje kino ŭ Chaleckaha, niahledziačy na małady ŭzrost, davoli savieckija. Jon prapanoŭvaje vadzić školnikaŭ kłasami ŭ kinateatry hladzieć ajčynnyja filmy:

«Na moj pohlad, treba mianiać staŭleńnie hledačoŭ da svajho kino. U nas jość załatyja chity, jakija ŭsio viedajuć. A voś kłasiki apošnich hadoŭ my pakul nie sfarmiravali. U hetym sensie mnie simpatyčny dośvied kitajskaha kiniematohrafa. Jon poŭnaściu niezaležny ad usiaho śvietu. Kitajskaje kino hladziać tolki ŭ Kitai, i jano vielmi dobraje akuplajecca. Pačynajuć sa škoły: vučni kłasami raz na tydzień chodziać na ajčynnyja filmy.

Musić, nam brakuje čahości takoha. Kali my pačniom sa školnaj łavy pryvivać luboŭ da svajho kino, pakazvać, što jano sapraŭdy ŭ nas jość, heta stvoryć cikavaść. Ale musić prajści čas».

Pierad vychadam kino ŭ prakat arhanizavali śpiecprahlad dla biełaruskich sielebryciz u kinateatry «Mir». A voś z kamiercyjnymi pakazami, zdajecca, pakul situacyja žałasnaja. Vyhladaje, što niašmat chto na vychadnych płanuje patracić 85 chvilin svajho žyćcia na «Kinošnikaŭ»: na subotu ŭ kinateatr «Aŭrora» pradadzieny adzin kvitok, u «Biełaruś» − 12, «Kamsamolec» − 25, «Kastryčnik» − 5, «Rakieta» − 23. U kinateatry «Pijanier» zapłanavana ažno dva sieansy na dzień, ale pakul nie kuplena nivodnaha kvitka.

Kamientary13

  • Šaša
    16.12.2023
    Pačali i tut srać rasiejskimi filmami.
  • Alek. Ru
    16.12.2023
    Nu kudy ž biedaruśfilm biez rasiejcaú u hałoúnych rolach??? Znoú kompleks zabitaha niedareki?
  • Cim
    16.12.2023
    Na kinastudyi "Biełaruśfilm" u 2023 hodzie, na dziaržaŭnyja hrošy, zrabili kino ni pra "vraždiebnyj Zapad", ni pra "śviatoj słavianskij bratskij pravosłavnyj mir", ni pra kaštoŭnaści dyktatury, ni pra "biej zmaharov i BČBiešnikov". Heta na sučasny momant - pośpiech :)

Ciapier čytajuć

Rasijanka raskazvała pra hłybinnuju moc Łukašenki — ciapier jana ŭ ślazach źjazdžaje ź Biełarusi6

Rasijanka raskazvała pra hłybinnuju moc Łukašenki — ciapier jana ŭ ślazach źjazdžaje ź Biełarusi

Usie naviny →
Usie naviny

U Viciebsku dvuchhadovy chłopčyk upaŭ ź dziasiataha paviercha

Palina z Salihorska nabrała 400 bałaŭ na ekzamienach. Voś kudy jana budzie pastupać7

U Kiraŭsku brat zabiŭ siastru, chočučy abaranić jaje ad mužčyn sa svaich halucynacyj

Na Zasłaŭskim zamku sprabujuć raskryć tajamnicu padziemnaha chodu2

Iran prypyniŭ zdabyču hazu na najbujniejšym u śviecie radoviščy

Paśla raznosu Łukašenki «Biełaruśfilm» biarecca stvarać «liniejku svaich sieryjałaŭ»5

«Heta nie samy pryvabny varyjant». Što dumajuć biełarusy pra ŭviadzieńnie Hruzijaj trochhadovaha DNŽ dla ajcišnikaŭ3

Tramp nie źbirajecca padpisvać zajavu G7 pa pytańni izrailska-iranskaha kanfliktu

Čamu rasijanie addali ŭkraincam cieły zabitych, a tyja — nie?9

bolš čytanych navin
bolš łajkanych navin

Rasijanka raskazvała pra hłybinnuju moc Łukašenki — ciapier jana ŭ ślazach źjazdžaje ź Biełarusi6

Rasijanka raskazvała pra hłybinnuju moc Łukašenki — ciapier jana ŭ ślazach źjazdžaje ź Biełarusi

Hałoŭnaje
Usie naviny →

Zaŭvaha:

 

 

 

 

Zakryć Paviedamić