Kino33

«Apošnija z nas», «Ukryćcio» i «Pierapoŭnieny pakoj». Najlepšyja sieryjały 2023 hoda

Što ź sioletnich sieryjałaŭ nie soramna pierahladzieć i praz šmat hadoŭ? Raskazvajem, čym možna paradavać siabie na doŭhija vychadnyja: navat kali vy sačyli za ŭsimi navinkami, pasprabujem vas ździvić.

Kadry z trejleraŭ sieryjałaŭ «Pracesy», «Apošnija z nas», «One piece. Vialiki kuš»

Apošnija z nas (The Last of Us)

Sieryjał, jaki nielha nie zhadać u 2023-m. Jon admietny ŭsim: vydatnaj pastanoŭkaj, talenavitymi akciorami, dobraj pieršaasnovaj i scenarom, dy i prosta historyjaj, što čaplaje, jak ščupalca hryba-kardycepsa, što zahnaŭ čałaviectva ŭ apakalipsis. Šmat u čym historyja pra toje, jak siabroŭstva mianiaje ludziej i daje aporu navat u śviecie zombi. Siarod stvaralnikaŭ «Apošnich z nas» — Krejh Mejzin («Čarnobyl») i Nił Drakman, jakija ŭmiejuć rabić dobraje šou.

Rejtynh IMDb: 8,8/10

Padzieńnie doma Ašeraŭ (The Fall of the House of Usher)

Hatyčny mini-sieryjał pavodle Edhara Ałana Po pravioŭ čatyry tydni ŭ top-10 prajektaŭ Netflix i dva tydni na viaršyni rejtynhu resursa IMDb. U «Padzieńni doma Ašeraŭ» vy atrymajecie historyju pra dvuch biaźlitasnych svajakoŭ, jakija budujuć siamiejnuju dynastyju, ale paśla zahadkavych śmierciaŭ jaje budučynia traplaje pad ryzyku. Zmročna-žachlivy duch tvoraŭ Po ŭ sieryjale pieradany vydatna.

Rejtynh IMDb: 8/10

One Piece. Vialiki kuš (One Piece)

Małady kapitan pirataŭ nakiroŭvajecca ŭ marski śviet, dzie jaho čakaje mifičny skarb i mora pryhodaŭ, a taksama mahčymaść stać karalom pirataŭ. Usio heta adbyvajecca na alternatyŭnaj Ziamli, dzie ŭ samym razhary załatoje stahodździe pirataŭ. One Piece — heta adaptacyja adnajmiennaha komiksa-manhi, samaha pradavanaha vydańnia svajho žanru ŭ śviecie. 

Rejtynh IMDb: 8,4/10

Alfons (Alphonse)

Źmianicie anhłamoŭnyja sieryjały na historyju mieśje Bisena z pabitaj paryžskaj kvaterki. Jon žanaty dvaccać hadoŭ, z žonkaj adnosiny błahija, niama ni dobraj pracy, ni vialikaha zarobku, ale raptam mužčynie prapanoŭvajuć novaje ramiastvo — praŭda, nie ŭ kožnaha atrymajecca stać alfonsam. Bliskučy Žan Dziužarden z askaranosnaha «Artysta» (2011) znoŭ u spravie i znoŭ čaroŭny.

Rejtynh IMDb: 6,9/10

Pracesy

Jak nie zhadać hetuju navinku ad «Biełsata»? Pra čatyrochsieryjnuju antałohiju jaje stvaralniki raskazvali daŭno, ale pakazali «Pracesy» masavamu hledaču tolki ŭ śniežni. Hulniavoje kino — nietannaja historyja, tamu biełarusy robiać jaho vielmi redka. Ale ŭ aŭtaraŭ «Pracesaŭ» atrymałasia.

Rejtynh IMDb: 9/10

Uroki chimii (Lessons in Chemistry)

Jeŭrapiejcam palubiłasia hetaja kazka dla darosłych. Elizabiet Cot — łabarantka, jakaja ładzić daśledavańni pa chimii i maje patencyjał vialikaj karjery, niahledziačy na antyžanočyja zababony ŭ navucy 1950-ch. Ale praź źbieh abstavinaŭ žančyna zastajecca adna z małym dziciom i vymušanaja źmianić łabaratoryju na telestudyju, dzie jana zarablaje hrošy viadzieńniem kulinarnaj pieradačy. Praŭda, jaje pieradača daje žančynam našmat bolš, čym prosta recept łazańji.

Rejtynh IMDb: 8,3/10

Zadača troch ciełaŭ (San ti)

Naŭrad ci vy čuli pra piśmieńnika Lu Cysinia, a miž tym heta tvar kitajskaj fantastyki. Jaho «Zadača troch ciełaŭ» mieła vialiki pośpiech i ŭ Kitai, i na Zachadzie, a sieryjał pa hetaj knizie atrymaŭsia taki dobry, što Netflix dumaje źniać jaho amierykanskuju viersiju. Siužet pabudavany na kiejsie pra dziŭnyja samazabojstvy ŭ navukovaj supolnaści, jakija źviazanyja z papularnaj videahulnioj i losam śvietu.

Rejtynh IMDb: 7,6/10

Pierapoŭnieny pakoj (The Crowded Room)

Tut taksama jość zabojstvy, a jašče — Amanda Siejfryd i Tom Chołand, jakich vy možacie pamiatać adpaviedna pa «Mama mia!» i «Čałavieku-pavuku». Hieroju Chołanda pahražaje šmat hadoŭ za kratami, i vyratavać jaho moža tolki psichołah, jakuju hraje Siejfryd. Spačatku sieryjał moža padacca krychu zaciahnutym, ale ŭ hetaj stužcy ŭsio nie toje, čym padajecca. I nie čytajcie spojlery!

Rejtynh IMDb: 7,6/10

Ukryćcio (Silo)

Što kali b vašym domam byŭ vializny bunkier u paŭtary sotni pavierchaŭ, a navokał — śmierć? Hierainia Rebieki Fierhiusan, jak i sotni inšych ludziej, žyvie ŭ im z naradžeńnia, pakul nie daznajecca, što nie ŭsio ŭ karcinie śvietu navokał sychodzicca. Jana robić svajo rasśledavańnie ŭ atmaśfiery strachu i kantrolu, znajomaj biełarusam, i jano pryvodzić žančynu ŭ adzinuju mahčymuju kropku.

Rejtynh IMDb: 8,1/10

Terapija (Shrinking)

Razam ź inšymi sieryjałami prapanujem vam kamiedyju, ale nie prostuju, z Charysanam Fordam u adnoj z rolaŭ. Vy paznajomiciesia z sumnym psichaterapieŭtam, jaki vyrašaje ihnaravać pracoŭnuju etyku i praviły, a zamiest hetaha ščyra kazać klijentam, što jon dumaje. Hety krok, jaki moža padacca sumnieŭnym, nasamreč mianiaje žyćci ludziej, dy i jaho samoha.

Rejtynh IMDb: 8/10

«Naša Niva» — bastyjon biełaruščyny

PADTRYMAĆ

Kamientary3

  • Słovo pisiuna
    22.12.2023
    A čamu «Słova pacana. Krov́ na asfaltie» niama ŭ śpisie???
  • Ihar
    23.12.2023
    [dziakuj, vypravim -- ved-redaktar]
  • Vład
    23.12.2023
    Nu otkuda u " Last of us"takoj riejtinh? Eto žie biezdarniejšij sieriał kuda popytaliś jeŝio i Horbatuju Horu vpichnuť jeśli kto ponimajet o čiom ja. Kohda v trietiej sierii dva borodatych mužika ciełovaliś ja čuť nie blevanuł.

Ciapier čytajuć

Źniknieńnie śpikierki KR Anžaliki Mielnikavaj. Usio važnaje, što viadoma na hety momant10

Źniknieńnie śpikierki KR Anžaliki Mielnikavaj. Usio važnaje, što viadoma na hety momant

Usie naviny →
Usie naviny

«Fiermientavany napoj, skarbnica prabijotykaŭ». Zachad z zachapleńniem adkryŭ dla siabie kvas27

Anžalika Mielnikava vylecieła z Polščy ŭ Vialikabrytaniju10

Rasijanie atakavali bieśpiłotnikami Dniapro

U Baranavickim rajonie źnik 10-hadovy chłopčyk

«Ciapier ja na ŭkołach i antybijotykach». Apošniaje paviedamleńnie ad Anžaliki Mielnikavaj było pra ciažkuju chvarobu12

Mieniedžarka «Koka-koły», jakaja pajšła ŭ palityku. Što viadoma pra źnikłuju śpikierku KR Anžaliku Mielnikavu12

Paśla pačatku pieramoŭ ab pieramirji rasijskaja armija pravodzić rekordnuju kolkaść «miasnych šturmaŭ»4

Dziarždep ZŠA aficyjna paviedamiŭ Kanhresu pra rospusk USAID12

Anžalika Mielnikava sama pakinuła terytoryju Polščy na samalocie12

bolš čytanych navin
bolš łajkanych navin

Źniknieńnie śpikierki KR Anžaliki Mielnikavaj. Usio važnaje, što viadoma na hety momant10

Źniknieńnie śpikierki KR Anžaliki Mielnikavaj. Usio važnaje, što viadoma na hety momant

Hałoŭnaje
Usie naviny →

Zaŭvaha:

 

 

 

 

Zakryć Paviedamić