Češski ministr nazvaŭ Orbana trajanskim kaniom, jaki pracuje na karyść Rasii
«Ja dumaju, što sapraŭdnaja nazva (vienhierskaha padychodu) — šantaž. Ja dumaju, što sapraŭdnaja nazva — złoŭžyvańnie pravam vieta nie dla abarony nacyjanalnych intaresaŭ Vienhryi, a dla abarony intaresaŭ Rasii», — skazaŭ Marcin Dvoržak.
Ministr jeŭrapiejskich spraŭ Čechii Marcin Dvoržak zajaviŭ, što premjer-ministr Viktar Orban źjaŭlajecca trajanskim kaniom, jaki razburaje jeŭrapiejskaje adzinstva i abaraniaje rasijskija intaresy. Z adpaviednaj zajavaj češski ministr vystupiŭ padčas teleefiru, paviedamlaje «Jeŭrapiejskaja praŭda».
«Siońnia Orban źjaŭlajecca tym trajanskim kaniom, jaki intensiŭna i, na žal, usio bolš efiektyŭna razburaje hetaje adzinstva i sprabuje pakazać, što my pavinny ihnaravać Ukrainu», — skazaŭ Dvoržak padčas dyskusii, jakaja tranślavałasia ŭ niadzielu na CNN Prime News.
Pavodle jaho słoŭ, Orban šantažuje Jeŭropu i złoŭžyvaje pravam vieta.
Orbana krytykujuć za toje, što jon nibyta vykarystoŭvaje ŭkrainskaje pytańnie jak ryčah upłyvu ŭ sprobie razbłakavać dostup da fondaŭ ES, jakija byli zamarožanyja praz pahrozu viaršenstva prava ŭ krainie z boku ciapierašniaha ŭrada. Na minułym tydni Jeŭrapiejskaja kamisija vyrašyła razbłakavać 10 miljardaŭ jeŭra paśla taho, jak Vienhryja apublikavała spravazdaču ab sudovaj reformie. Adnak kala 21 miljarda jeŭra zastajucca zamarožanymi.
«Ja dumaju, što sapraŭdnaja nazva (vienhierskaha padychodu) — šantaž. Ja dumaju, što sapraŭdnaja nazva — złoŭžyvańnie pravam vieta nie dla abarony nacyjanalnych intaresaŭ Vienhryi, a dla abarony intaresaŭ Rasii», — skazaŭ Marcin Dvoržak.
Partniorka Dvoržaka pa debatach, Alona Šylerava z apazicyjnaj partyi ANO, ustrymałasia ad kamientaroŭ adnosna krytyki Orbana i pastaviła pad sumnieŭ metazhodnaść uklučeńnia temy pieramovaŭ ab ustupleńni Ukrainy ŭ ES u paradak dnia samitu ŭ hety čas. Jana adznačyła, što Ukrainie nieabchodna ažyćciavić šerah refarmatarskich krokaŭ.
14 śniežnia na samicie ES lidary padtrymali adkryćcio pieramovaŭ z Ukrainaj i Małdovaj.
Choć rašeńnie ŭ dačynieńni da Kijeva doŭhi čas błakavała Vienhryja, jaje vieta ŭdałosia pieraadoleć, uhavaryŭšy vienhierskaha premjera Viktara Orbana vyjści z pakoja padčas hałasavańnia i takim čynam ustrymacca.
Sam Orban paźniej zajaviŭ, što pahadziŭsia admovicca ad prava vieta na pačatak pieramovaŭ ab ustupleńni Ukrainy ŭ ES tamu, što ŭ jaho budzie jašče šmat mahčymaściaŭ zabłakavać hety praces.
Akramia taho Orban zabłakavaŭ debaty pa pierahladzie doŭhaterminovaha biudžetu ES, jaki praduhledžvaŭ vydzialeńnie kala 50 młrd jeŭra na padtrymku Ukrainy.
Ciapier čytajuć
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał3
Kamientary