U Niderłandach zładzili kaladnuju viačeru dla maskotaŭ na futbolnym poli. Pahladzicie, jak heta pryhoža
Maskot Foksi, talisman kłuba PSV (Ejndchovien), zaprasiŭ maskotaŭ (talismanaŭ) kłubaŭ vyšejšaj lihi i druhoha dyvizijona futbolnaha čempijanatu Niderłandaŭ na hrandyjoznuju kaladnuju viačeru na stadyjonie «Filips».
27 talismanaŭ adpravilisia na stadyjon «Filips» u Ejndchovienie. Im praviali ekskursiju pa stadyjonie, potym pahulali ŭ futboł. Zatym usie talismany kłubaŭ paviačerali razam na poli, nie stojačy na procilehłych bakach, a siedziačy pobač adzin z adnym, paviedamlajecca na sajcie lidara čempijanatu Niderłandaŭ.
Viačera z talismanami vyrazna pakazvała na toje, što ŭsie niderłandskija futbolnyja kłuby źjaŭlajucca supiernikami na poli, a nie vorahami ŭ žyćci, zaznačaje PSV.
«Supiernictva isnuje tolki na poli padčas hulni. Sa śviatam usich maich siabroŭ», — napisaŭ Foksi ŭ svaich sacsietkach.
«Piensijanieram dzieci pieraškadžajuć!» U Breście nie pieršy miesiac iduć sprečki nakont miesca dla budaŭnictva dziciačaha sada5
Kamientary