Žurnalistka raskryła sakret prahresu biełaruskaha chakieista ŭ NCHŁ
Jon doŭhi čas hulaŭ u kańkach niapravilnaha pamieru.
Biełarus Alaksiej Protas u 30 matčach hetaha siezona Nacyjanalnaj chakiejnaj lihi nabraŭ 16 punktaŭ (3+13). Heta ŭžo bolš, čym było letaś.
Žurnalistka The Hockey News Semi Siłbier parazvažała pra pryčyny prahresu ŭ hulni forvarda «Vašynhtona» i raskryła cikavy fakt ź bijahrafii. Pierakład materyjału apublikavali Bet News.
«Urazili nie tolki jaho ličby: sioleta jamu spatrebiłasia ŭdvaja mienš času, kab dasiahnuć novaha [asabistaha] rekordu ŭ karjery. Jon [staŭ] chutčejšy, macniejšy, fizična bolš mahutny i aktyŭny na abodvuch bakach placoŭki.
Jašče adzin cikavy momant ab 21-m numary: u Biełarusi była abmiežavanaja kolkaść kańkoŭ, tamu forvardu rostam 6 futaŭ 6 calaŭ (198 sm) dali kańki 12-ha pamieru (heta jeŭrapiejski 48 pamier — NN). Kali jon dabraŭsia da Paŭnočnaj Amieryki, jon upieršyniu prajšoŭ skanavańnie stupni. Tam jon vyjaviŭ, što jaho pakazčyk — 10,5 (46 jeŭrapiejski pamier — NN).
Jon nie rabiŭ ničoha, kab zapaŭniać hetuju dadatkovuju prastoru ŭ svaich starych kańkach, i pryznaŭ, što źmianšeńnie na paŭtara pamiera źmianiła jaho žyćcio», — napisała Siłbier u tekście.
Ciapier čytajuć
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1212
Kamientary