Žonka akciora Uładasa Bahdonasa musiła pakinuć Litvu z-za prablem z DNŽ. Jana hramadzianka Biełarusi
Viadomy litoŭski akcior, 74-hadovy łaŭreat Nacyjanalnaj premii kultury i mastactva Uładas Bahdonas paviedamiŭ, što sutyknuŭsia z asabistaj prablemaj: u jahonaj žonki, hramadzianki Biełarusi, skončyŭsia termin dziejańnia dazvołu na žycharstva, tamu joj daviałosia vyjechać ź Litvy ŭ Biełaruś. Siamja źviartałasia ŭ Departamient mihracyi, ale, pa słovach Bahdonasa, nijakaha adkazu jany nie atrymali, piša Delfi.lt.
Prablemu, ź jakoj sutyknułasia jaho siamja, Bahdonas apisaŭ u fejsbuku i paprasiŭ parady. Jon raskazaŭ, što try hady tamu ažaniŭsia z hramadziankaj Biełarusi. 9 śniežnia ŭ jaje skončyŭsia termin dziejańnia dazvołu na žycharstva, tamu joj daviałosia viarnucca ŭ Biełaruś.
Bahdonas zaŭvažyŭ, što jahonaja žonka «nie maje ničoha ahulnaha z uvarvańniem Rasii va Ukrainu» i dadaŭ, što źviarnuŭsia ŭ Departamient mihracyi i ŭ Departamient dziaržbiaśpieki.
29 śniežnia na zapis Bahdonasa ŭ sacyjalnaj sietcy adreahavała kiraŭnica Departamienta mihracyi Evielina Hudzinskajcie. Jana paviedamiła, što takich ludziej, jak žonka akciora, — 18 000, i ich zajaŭki razhladajucca. Pavodle jaje słoŭ, rašeńnie pa spravie hetaj žančyny budzie pryniata 13 studzienia.
«Pavažany Bahdonas, pasłuchajcie mianie, dyrektarku Departamienta mihracyi. Zajaŭka vašaj žonki na praciah dazvołu na žycharstva jašče razhladajecca, rašeńnie pakul nie pryniata. Termin pryniaćcia — 13 studzienia.
Ja vas razumieju, razumieju, što važna być ź blizkim čałaviekam u śviaty, heta samaje važnaje. Ale ciapier u nas jość takich 18 000 čałaviek, jakija dla kahości važnyja. Usie zajaŭki my starajemsia razhledzieć jak maha chutčej. Usie dziaržaŭnyja viedamstvy pracujuć, starajucca, ale kolkaść hadzin u sutkach abmiežavanaja. Prašu vašaha ciarpieńnia i razumieńnia», — napisała čynoŭnica.
Žonka Uładasa Bahdonasa, hramadzianka Biełarusi Alena Liopa — teatralnaja žurnalistka.
Siejm Litvy ŭchvaliŭ papraŭki, jakija dazvolać biełarusam atrymlivać dazvoł na žycharstva na 3 hady
«U pytańni «biełarusy nie roŭna rasijanie» kropka ŭ Litvie nie pastaŭlena». Labiedźka raskazaŭ, pra što havaryli na pasiadžeńni parłamienckaha kamiteta
Cichanoŭskaja vystupiła ŭ litoŭskim Siejmie pa pytańniach DNŽ i «lićvinizmu»
Ciapier čytajuć
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś9
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1313
Kamientary
Jeść jaščie mryjniki bałtačarnamorskaha sajuza jevriesajuza ???))
Kazau i kažu suuuusiedzi vakoł pakołu suuusiedzi Adzin za ińšaha cikaviej i sssu.siedziej ni źmienić ni adsialić...
Jaščie adzin dopis u knižku..adziačyć ni zapamiatać adpomścić))) Prybałty i da Vas pahrukaje u vakno ci pa hałavie bumieranh ...adziačyć )))Amiń ))