Hramadstva1010

«U pytańni «biełarusy nie roŭna rasijanie» kropka ŭ Litvie nie pastaŭlena». Labiedźka raskazaŭ, pra što havaryli na pasiadžeńni parłamienckaha kamiteta

14 śniežnia na pasiadžeńni Kamiteta pa mižnarodnych pytańniach litoŭskaha Siejma razhladali biełaruskija spravy. U centry ŭvahi byli źmieny ŭ zakanadaŭstva ab nacyjanalnych sankcyjach, jakija b uraŭnoŭvali biełarusaŭ i rasijan u abmiežavańniach. Pasiadžeńnie prachodziła ŭ zakrytym dla presy farmacie, ale jaho vyniki dla radyjo «Ŭnet» prakamientavaŭ daradca Śviatłany Cichanoŭskaj pa parłamienckim supracoŭnictvie Anatol Labiedźka.

Anatol Labiedźka

— My zadavolenyja sustrečaj. Heta byli słuchańni ŭ Kamitecie pa mižnarodnych pytańniach, z udziełam čalcoŭ hrupy «Za demakratyčnuju Biełaruś» Siejma Litvy.

Zaraz vielmi napružany čas dla parłamientaryjaŭ, pierad vakacyjami ŭ ich vielmi ščylny paradak dnia, ale, kali my vyjšli z prapanovaj takich słuchańniaŭ, to dla nas znajšli «akienca», i heta byŭ čas ich pierapynku na abied — to-bok deputaty nie pajšli na abied, a pajšli razmaŭlać pra Biełaruś.

Sustreča prachodziła ŭ farmacie Chatham house, tamu ja nie mahu cytavać udzielnikaŭ. Mahu tolki skazać, što ź biełaruskaha boku śpikierkaj była Śviatłana Cichanoŭskaja, jakaja dakładna vykazałasia: nielha pamiž biełarusami i rasijanami siońnia stavić znak roŭnaści.

Biełaruskija pradstaŭniki padčas pasiadžeńnia. Fota: Ofis Śviatłany Cichanoŭskaj

— Ci pravilna ja razumieju, što asnoŭnym pytańniem hetaj sustrečy było ŭraŭnoŭvańnie biełarusaŭ i rasijan u sankcyjnych abmiežavańniach?

— Heta adzinaje pytańnie. My adrazu skazali, što my nie idziem davać niejkija «pušystyja» zapeŭnieńni litoŭskamu boku, i nie chočam tolki dobrych słoŭ ad ich. My pavinny razmaŭlać vielmi ščyra pa vielmi kankretnym pytańni.

Hetaje pytańnie nie vielmi prostaje, ale dobrym znakam było, što litoŭskija deputaty pahadzilisia i achviaravali svaim volnym časam. Byli amal usie čalcy kamiteta. I cikavaść była vysokaj. My damovilisia pra nastupnyja kroki, ale ja pakul nie chacieŭ by ich nazyvać.

— A temu «lićvinizmu» uzdymali?

— Było i heta pytańnie. My zrabili prapanovu, kab praciahnuć hetuju razmovu. My chutka anansujem, što my damovilisia razam zrabić.

— Tema ŭraŭnoŭvańnia biełarusaŭ i rasijan u sankcyjnych abmiežavańniach užo abmiarkoŭvałasia ŭ Siejmie. I niekalki miesiacaŭ tamu, zdajecca, u joj była pastaŭlena kropka, kali deputaty adchilili vieta prezidenta Naŭsiedy pa adpaviednych źmienach u zakanadaŭstva. Čamu zaraz hetaja tema znoŭ źjaviłasia?

— Jakraz kropka i nie była pastaŭlena. Kropka była pastaŭlena ŭ kankretnych prapanovach, jakija byli sfarmulavanyja i ŭniesienyja ŭ Siejm prezidentam. Ale pa pytańni «biełarusy nie roŭna rasijanie» kropki pastaŭlena nie było, i my pra heta jakraz havaryli.

I znoŭ projdzie niejki čas — i znoŭ hetyja dyskusii ŭźniknuć u infarmacyjnaj prastory. Kali b siońnia było hałasavańnie ŭ Kamitecie pa mižnarodnych pytańniach, to prapanovy, jakija zaraz znachodziacca ŭ Siejmie, jany b nie prajšli. Kali b było pasiadžeńnie plenarnaje, hetyja b prapanovy nie prajšli.

Čaho čakać? Roznyja scenary. Moža być i taki, što papraŭki tak i zastanucca na ŭzroŭni prapanoŭ i nie pojduć dalej pa pracedurach.

— A jaki ahulny nastroj byŭ na hetym pasiadžeńni? Ci była niejkaja varožaść, niejkija pretenzii da biełarusaŭ?

— Pretenzij uvohule nie było. Było šmat pytańniaŭ, jakija tyčylisia roznych aśpiektaŭ, ale dakładna heta nie byli paproki. Nastroj byŭ pracoŭny, pazityŭny.

Kamientary10

  • Ejuja
    15.12.2023
    Kropku dla siabie nie pastaviŭ jašče sam Labiedźka. Nia moža navat adkazać na prostaje pytańnie adzinaj dziaržaŭnaj biełaruskaj movy. I hetyja ludzi buduć raspaviadać litoŭcam pra litvinizm i davać niejkija harantyi. Harantyju zachavańnia russkoho mira u Biełarusi jany daduć.
  • U
    15.12.2023
    [Red. vydalena]
  • 574767845454
    15.12.2023
    Prabačcie, ale chto heta - Labiedźka? Nie viedaju takoha. I chto jaho ŭpaŭnavažyŭ havaryć ad imia biełarusaŭ? 

Ciapier čytajuć

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku

Usie naviny →
Usie naviny

Maradona padčas svajho vizitu ŭ Biełaruś nie zachacieŭ sustrakacca z Rumasam1

Łukašenka prakamientavaŭ źbićcio sabaki ŭ Hrodnie i raskazaŭ pra svajo trapiatkoje staŭleńnie da žyvioł10

Drony USU ŭdaryli pa dvuch rasijskich abjektach VPK

Uładalnica biełaruskaha brendu žanočaha adzieńnia Moshe ździviłasia šalonym cenam kankurentaŭ11

Izrail nanosić novy ŭdar pa Iranie3

«Prapanavaŭ hrošy». Biełaruska raspaviała, jak KDB sprabavaŭ jaje vierbavać1

Iranskija rakiety zabili 5 čałaviek u Izraili, bolš za 80 paranienyja. Celi byli vypadkovyja2

«U naš čas u Chrysta była b žoŭtaja birka». Były palitviazień Alaksandr Tarasienka raspavioŭ pra svoj dośvied za kratami2

«Uratavali zatory». Studentka spaźniłasia na fatalny rejs Air India usiaho na 10 chvilin, i jaje nie puścili na bort3

bolš čytanych navin
bolš łajkanych navin

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku

Hałoŭnaje
Usie naviny →

Zaŭvaha:

 

 

 

 

Zakryć Paviedamić