Na Novy hod biełarus źbiŭ naśmierć viełasipiedystku ŭ Polščy. Jamu šukajuć advakata, jaki b razumieŭ ruskuju
Polskaj movaj Mikałaj vałodaje na ŭzroŭni razumieńnia, tym nie mienš važna, kab advakat razumieŭ u niejkaj miery ruskuju movu.
Svajaki i siabry biełarusa, jaki 2 studzienia naśmierć źbiŭ viełasipiedystku ŭ Polščy, šukajuć dla jaho advakata, piša Mostmedia.io.
Jak raspavioŭ znajomy mužčyny, patrebien śpiecyjalist pa kryminalnych spravach, jaki pracuje ŭ Poznani abo pobač, hatovy vyjazdžać da klijenta. Jaho pasłuhi siamja moža apłacić samastojna.
Surazmoŭca raspavioŭ, što kiroŭcu zavuć Mikałaj, jamu 49 hadoŭ. Polskaj movaj Mikałaj vałodaje nie daskanała, ale na ŭzroŭni razumieńnia, tym nie mienš važna, kab advakat razumieŭ u niejkaj miery ruskuju movu.
«Adkaznaści ź jaho nichto nie sprabuje źniać, ale my chočam, kab usie normy byli vykananyja, ekśpiertyzy praviedzienyja», — skazaŭ jon.
Amal hod Mikałaj pracavaŭ kiroŭcam nievialikaha tentavanaha hruzavika, dastaŭlaŭ da miesca pryznačeńnia ciaplicy i parniki. Na im jon i ździejśniŭ DTZ.
U biełarusa vialiki šafiorski staž. Tamu toje, što mužčyna trapiŭ u takoje surjoznaje DTZ, stała dla jaho siabroŭ i znajomych šokam. Ciapier mužčyna pad vartaj, suviazi ź im niama, tamu padrabiaznaściaŭ zdareńnia rodnyja nie viedajuć.
Znajomy Mikałaja padkreślivaje: u apošnija 10 hadoŭ toj naohuł nie ŭžyvaŭ ałkahol, ničoha nie piŭ navat na Novy hod. Nie prymaŭ narkotykaŭ abo psichatropnych preparataŭ.
Nahadajem, uviečary 2 studzienia ŭ horadzie Pyzdry Vialikapolskaha vajavodstva Renault Master, za rulom jakoha znachodziŭsia biełarus, vyjechaŭ na sustrečnuju pałasu, a zatym na tratuar, dzie źbiŭ žančynu, jakaja jechała na rovary. Pierad samym sutyknieńniem jon začapiŭ pryparkavanuju mašynu marki Honda Accord i darožnyja znaki.
Vyratavać paciarpiełuju nie ŭdałosia.
Ekśpiertyza pakazała, što ŭ momant avaryi biełarus byŭ ćviarozy, u jaho ŭziali kroŭ dla daśledavańniaŭ. Mužčynu zatrymali.
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali4
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2626
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra26
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary