Złodziej u abkradzienaj chacie pieraabuŭsia ŭ novyja čaraviki, a svaje staptanyja pakinuŭ. Tak jaho i znajšli
U adnoj ź viosak Tałačynskaha rajona abakrali chatu, jakuju žychar Tałačyna vykarystoŭvaŭ jak lecišča. Ź jaje źnikli adzieńnie, abutak i pradukty. Vyśvietliłasia, što złodziej pralez u chatu i vyjšaŭ ź jaje praz akno, vystaviŭšy škło.
Padčas ahladu pamiaškańnia haspadar źviarnuŭ uvahu na čužy abutak u adnym z pakojaŭ. Jak akazałasia, złodziej pieraabuŭsia ŭ ŭpadabanuju im paru abutku, a svaje staryja čaraviki pakinuŭ.
Hety abutak kanfiskavali i nakiravali na sudovuju hienietyčnuju ekśpiertyzu. Ź bijałahičnaha materyjału, jaki byŭ na levym čaraviku, udałosia vyłučyć hienatyp nieŭstanoŭlenaha mužčyny.
Praź niekalki dzion milicyjanty vyjšli na žychara Tałačynskaha rajona 1966 hoda naradžeńnia. Pry praviadzieńni dadatkovaj hienietyčnaj ekśpiertyzy było ŭstanoŭlena supadzieńnie jaho DNK z hienatypam, vyjaŭlenym na čaraviku, kanfiskavanym ź miesca kradziažu. Takim čynam, sudovyja ekśpierty paćvierdzili dačynieńnie mužčyny da ździajśnieńnia kradziažu.
Akazałasia, što zatrymany rabiŭ kradziažy nie tolki ŭ Tałačynskim, ale i ŭ susiednim Krupskim rajonie.
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary