Čałaviekam, jakoha zastrelili la rezidencyi Trampa ŭ Fłarydzie, akazaŭsia chłopiec, jaki zachaplaŭsia malavańniem paloŭ dla holfa
Zabitym kala rezidencyi Trampa ŭ Mar-a-Łaha akazaŭsia 21‑hadovy Ościn Marcin z Paŭnočnaj Karaliny. Jon pracavaŭ u holf-kłubie i malavaŭ piejzažy, piša New York Post.
Pryčym jon zachaplaŭsia malavańniem piejzažaŭ holf-paloŭ.
U jaho Instagram apublikavana sieryja akvarelaŭ i čorna-biełych nakidaŭ, bolšaść ź jakich, vidać, adlustroŭvajuć holf-kłub Quail Ridge, raźmieščany prykładna za 15—20 mil na poŭnač ad jaho doma ŭ Kamieranie. Apošni dopis byŭ vykładzieny try dni tamu.
Stryječny brat Marcina apisaŭ chłopca jak «cichaha čałavieka, jaki bajaŭsia zbroi», i nazvaŭ jaho vychadcam ź siamji pierakananych prychilnikaŭ Trampa.
Pavodle jaho słoŭ, Marcin pracavaŭ u miascovym holf-kłubie i z kožnaha zarobku nakiroŭvaŭ hrošy na dabračynnaść.
Siamja Marcina, miarkujučy pa pastach u sacyjalnych sietkach, šukała jaho ź viečara suboty. Jaho maci Mielisa Marcin na svajoj staroncy paviedamiła pra źniknieńnie syna.
Učora paviedamlałasia, što mužčyna va ŭzroście kala 20 hadoŭ byŭ zastreleny paśla taho, jak jon, jak śćviardžajecca, parušyŭ achoŭny pierymietr majontka prezidenta Donalda Trampa Mar-a-Łaha ŭ Pałm-Bič.
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?9
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary