Biełarusaŭ, što źjechali za miažu praz Rasiju, pryznajuć darmajedami
Pryncypy vyznačeńnia hramadzian Biełarusi jak darmajedaŭ źmianiajucca ŭ Biełarusi, vynikaje z aficyjna apublikavanaj pastanovy ŭrada.
Dakumient źmianiaje pałažeńnie, pieršaja viersija jakoha była pryniataja ŭ 2018 hodzie. Z tych časoŭ dakumient źmianiali i dapaŭniali dziesiać razoŭ. Ciapierašniaje źmianieńnie — adzinaccataje pa liku, piša «Sputnik».
Pavodle dziejnaj viersii, zaniatymi ŭ ekanomicy ličacca baćka ci maci (ajčym, mačycha, apiakun, udačaryciel i hetak dalej) dziciaci-invalida va ŭzroście da 18 hadoŭ. U novaj redakcyi skazana, što hetyja ludzi pavinny faktyčna pražyvać u Biełarusi. Vyklučeńnie — vyjezdy za miažu na lačeńnie abo azdaraŭleńnie.
Takaja ž papraŭka ŭnosicca dla žančyn, jakija vychoŭvajuć dzicia va ŭzroście da 7 hadoŭ abo traich i bolš niepaŭnaletnich dziaciej.
Taksama pamiežny kamitet budzie pieradavać u «darmajedskuju» bazu źviestki pra biełarusaŭ, jakija vyjechali praz Rasiju. Hetyja źviestki pamiežniki atrymajuć ad MUS, jakim takuju infarmacyju pieradajuć rasiejcy.
IP i sielskija žychary
Jość i novaŭviadzieńni pa sielskich žycharach. U dziejnaj redakcyi zaniatymi ŭ ekanomicy ličacca tyja, chto žyvie za košt svajho prysiadzibnaha ŭčastka pa-za terytoryjami abłcentraŭ i Minska.
U novaj viersii skazana, što heta nie terytoryi pa-za vialikimi haradami, a tyja rajony, jakija vyznačać svaimi rašeńniami abłvykankamy i Minharvykankam. Bolš za toje, sielski žychar nie pavinien adsutničać u krainie 30 dzion i bolš sumarna za kvartał.
Novaŭviadzieńnie pa IP palahaje ŭ tym, što mała być zarehistravanym u jakaści indyvidualnaha pradprymalnika. Ciapier nieabchodna jašče i vypłačvać padatki. Vyklučeńnie — vypadak, kali IP vyzvaleny ad ich vypłaty.
Kali ŭstupaje ŭ siłu
Roznyja častki pastanovy ŭstupajuć u siłu ŭ rozny čas. Da prykładu, abzac, jaki tyčycca IP — z 5 lutaha. Bolš za toje, normy «raspaŭsiudžvajuć svajo dziejańnie na adnosiny, jakija ŭźnikli z 1 kastryčnika 2023 hoda».
Normy pa šmatdzietnych maci, baćkach dziaciej-invalidaŭ zapracujuć z 1 sakavika.
Ź lipienia IP zmohuć padavać u padatkovuju tolki elektronnuju dekłaracyju. Pasłuha nie biaspłatnaja
Samazaniatyja pačali atrymlivać listy pra zaličeńnie ŭ darmajedy. Jak takoje mahčyma?
Tym, chto źjechaŭ z krainy, mohuć pieraličyć kamunałku
U «darmajedskaj» kamisii raskazali, kaho z tych, chto źjechaŭ za miažu, mohuć vyklučyć z bazy «ŭtrymancaŭ»
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary