U Kramla praz šeść miesiacaŭ mohuć skončycca bajavyja mašyny — Forbes

Jak piša Forbes, za kožny dzień vajny rasijskija vojski ŭ siarednim hublali — źniščanymi, kinutymi abo zachoplenymi — 19 tankaŭ, bajavych mašyn, haŭbic i inšaha ciažkaha ŭzbrajeńnia.

U subotu, 3 lutaha, jany stracili sama mieniej 54 adzinki techniki, jašče 16 byli paškodžanyja. Inšymi słovami, subota stała dla Maskvy adnym z najhoršych dzion.

Analityk Endru Pierpietua, jaki zajmajecca padlikam strat transpartnych srodkaŭ na padstavie adkrytych krynic i publikuje štodzionny śpis, adznačyŭ: «Heta samaja vialikaja kolkaść, jakuju ja kali-niebudź znachodziŭ za dzień».

Here are the losses for yesterday. I completed compiling them. Its the most I've ever found in a day. 103https://t.co/lZLivxUud6 pic.twitter.com/8Lwi7evznq

— Andrew Perpetua (@AndrewPerpetua) February 4, 2024

Ukrainskija straty byli niaznačnymi — dzieviać mašyn źniščana, kinuta abo zachoplena, 21 paškodžana.

Što jašče horš dla rasijskaha boku, ich straty skłali 16 tankaŭ i ašałamlalnyja 29 bajavych mašyn i bronietransparcioraŭ, u toj čas jak straty Ukrainy ŭ asnoŭnym składalisia z hruzavikoŭ i hramadzianskich aŭtamabilaŭ, jakija vajskoŭcy, vidavočna, vykarystoŭvali dla zabieśpiačeńnia. Ukraincy stracili dva tanki i adzin BTR.

Nieabchodna ŭdakładnić, što raźbityja mašyny, jakija Pierpietua padličyŭ u niadzielu, nie abaviazkova byli stračanyja ŭ subotu. Ale pakolki jon padličvaje straty kožny dzień, data, kali danyja zanosiacca ŭ tablicu, źjaŭlajecca karysnym reziervam dla vyznačeńnia faktyčnaj daty śpisańnia. Prosta treba adniać 24 hadziny.

Na pytańnie, ci zjaŭlajecca taki ŭzrovień strat prymalnym dla Kramla, vidavočny admoŭny adkaz. Pakolki vytvorčaść novaj braniatechniki praciahvaje adstavać, rasijskija vojski pa-raniejšamu ŭ asnoŭnym jeździać na starych mašynach časoŭ chałodnaj vajny, jakija jany dastali z doŭhačasovych schoviščaŭ.

Ale hetyja zapasy niekali skončacca. Analityk pad nikam @HighMarsed vyvučaje spadarožnikavyja zdymki, kab adsačyć zapasy staroj techniki ŭ Rasii. U śniežni jon pryjšoŭ da vysnovy,

što Kreml adnaviŭ 1081 z 4811 starych bajavych mašyn BMP, jakija byli ŭ jaho da pačatku vajennaha kanfliktu. Pry hetym z 3730, jakija zastalisia, pa mienšaj miery 765 byli «vidavočna złamanymi i nie padlahali ramontu».

U 2022 i 2023 hadach, pa danych analitykaŭ Oryx, rasijskija vojski hublali kala 80 BMP na miesiac. Kali b takija tempy strataŭ zachavalisia i ŭ 2024 hodzie, a vytvorčaść novych BMP taksama zastavałasia b na ŭzroŭni 30-40 adzinak u miesiac, to bajavyja mašyny skončylisia b u Kramla prykładna praz dva hady. Skažam, u pačatku 2026 hoda.

Adnak prablema ŭ tym, što ŭ hetym hodzie rasijanie hublajuć usio bolš i bolš mašyn, chutčej, čym kali-niebudź. Za adzin dzień jany stracili 13 BMP, a taksama dadatkovyja bajavyja mašyny BTR, pavodle niadzielnaha padliku Pierpietua. Heta aznačaje, što štomiesiačny ŭzrovień strat BMP nabližajecca da 400 — u piać razoŭ bolš, čym u 2022 i 2023 hadach.

Rost strat da ŭzroŭniu, jaki značna pieravyšaje dapuščalny dla rasiejskich vojskaŭ, taksama vidavočny siarod tankaŭ i BTR.

Takim čynam, pry ciapierašnich tempach u Rasii niama dvuchhadovaha reziervu bajavych mašyn. Mahčyma, u jaje jość 6 miesiacaŭ.

Čytajcie jašče:

Rasija straciła bolš za 60 tankaŭ i BTR u nastupie pad Aŭdziejeŭkaj — Bild 

Kamandujučy Suchaputnymi vojskami Ukrainy pra situacyju na froncie: Rasija pavialičvaje kolkaść techniki i pierahrupoŭvaje vojski

Rasijskaja armija źniała z kansiervacyi staryja ekśpierymientalnyja BTRy i adpraviła va Ukrainu

• 47
• 0
• 3
• 1
• 5
• 0
• 2
• 0