Sańnikaŭ — žurnalistcy «Dojče Viele»: Heta abaviazkovyja pytańni, jakija vam kuratary kažuć zadavać?
U čas intervju «Dojče Viele» Andreja Sańnikava paprasili patłumačyć, navošta jon raźmiaščaŭ zdymak katlet.
Žurnalistka spytała, što jon chacieŭ skazać tym fota.
«Pasłuchajcie. Ja knižku napisaŭ kulinarnuju. Vy heta viedajecie? Nie?» — zaŭvažyŭ Sańnikaŭ.
Žurnalistka adkazała, što viedaje. Kniha nazyvajecca «Turemnaja kuchnia».
Sańnikaŭ praciahnuŭ: «Nu navošta vy voś heta… Heta što, abaviazkovyja pytańni, jakija kuratary havorać vam zadavać? Ci ŭ temnikach?»
«Kali ja čuju adny i tyja ž biazhłuzdyja pytańni… Prabačcie», — adkazaŭ Sańnikaŭ.
Paźniej jon vykazaŭ zaŭvahu, što pryjšoŭ na intervju ŭ suviazi z vychadam dakumientalnaha filma ab im, a jamu nivodnaha pytańnia pa filmie nie zadali.
«Zatoje vy havorycie, što vy niezaležnaj žurnalistykaj zajmajeciesia i pavinny zadavać voś hetyja pytańni pra niejkija fotazdymki».
Nahadajem, što katlety ŭ fejsbuku Andrej Sańnikaŭ zapościŭ u dzień, kali Śviatłana Cichanoŭskaja zapuściła inicyjatyvu pa zbory podpisaŭ za mirnyja pieramovy z uładaj (u sakaviku 2021 hoda). Paśla krytyki na svoj adras jon hety post vydaliŭ.
Inicyjatyva Śviatłany Cichanoŭskaj vyklikała krytyku častki apazicyi, u tym liku Andreja Sańnikava i redaktarki «Chartyi-97» Natalli Radzinaj, jakija vystupali za bolš radykalnyja dziejańni. U toj ža čas šyrokija koły hramadskaści ideju Cichanoŭskaj padtrymali. Za 4 dni zvarot padpisali bolš za 670 tysiač čałaviek — heta absalutny rekord dla padobnaha rodu palityčnych zvarotaŭ.
Čytajcie jašče:
Andrej Sańnikaŭ vydaŭ dychtoŭnuju knihu pra turemnuju kuchniu roznych krain
Staś Karpaŭ nazvaŭ Paźniaka «biazdušnym chłusam», a Sańnikava — «złaradnym trolem»
Cichanoŭskaja zajaviła pra zapusk ahulnanacyjanalnaha hałasavańnia za pieramovy z uładaj
Ciapier čytajuć
Milicyja schavała hałoŭnaje — mahiloŭski mańjak-lifcior užo siadzieŭ za zhvałtavańnie. Ale jaho nie pravieryli na datyčnaść da zabojstvaŭ2
Kamientary
biazhłuzdyja? a jon chto - intelihient? padobny na hopnika
i hetaha chacieli ŭ prezidenty? a čym jon pryncypova adroźnivajecca ad samiviedajeciekaho? na pytańni nie adkazvaje, uvohule ni za što nie adkazvaje. chamskaja maniera pavodzinaŭ i t.p.