Prezident Ukrainy Uładzimir Zialenski ŭ videazvarocie paćvierdziŭ adstaŭku Valeryja Załužnaha i nazvaŭ proźvišča novaha Hałoŭnakamandujučaha USU — hienierał-pałkoŭnika Alaksandra Syrskaha.
Zialenski vykazaŭ padziaku Załužnamu «za dva hady abarony», ale pry hetym paviedamiŭ, što «ź siońniašniaha dnia da kiraŭnictva Uzbrojenymi siłami Ukrainy prystupaje novaja kiraŭničaja kamanda».
Pavodle słoŭ ukrainskaha prezidenta, jon «pravioŭ dziasiatki razmoŭ z kamandzirami roznaha ŭzroŭniu» i spyniŭsia na kandydatury «najbolš daśviedčanaha ŭkrainskaha kamandujučaha» — hienierał-pałkoŭnika Alaksandra Syrskaha.
Da hetaha momantu Alaksandr Syrski kamandavaŭ Suchaputnymi siłami USU.
Zialenski adznačyŭ, što «jon maje paśpiachovy vopyt abarony — pravioŭ Kijeŭskuju abarončuju apieracyju. Jon maje taksama i paśpiachovy vopyt nastupleńnia — Charkaŭskaj vyzvalenčaj apieracyi». I vykazaŭ upeŭnienaść, što «2024 hod moža stać paśpiachovym dla Ukrainy tolki pry ŭmovie efiektyŭnych źmienaŭ u asnovie našaj abarony, jakoj źjaŭlajucca Uzbrojenyja siły Ukrainy».
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary