Vučonyja vyśvietlili, u jakich umovach lepš zachoŭvać jajki i jaki sposab hatavańnia najlepšy dla taho, kab jany nie stracili vitamin D.
Jajka — cudoŭnaja krynica vitaminu D, viadomaha jak «soniečny vitamin». Jon nieabchodny dla zdaroŭja kaściej, zuboŭ i ciahlic, tryvałaści imunnaj sistemy. Niekatoryja daśledavańni taksama havorać ab tym, što ludzi ź nizkim uzroŭniem vitaminu D majuć bolš vysokuju ryzyku raznastajnych siezonnych afiektyŭnych razładaŭ, asabliva ŭ zimovyja miesiacy. U jajkach hety vitamin utrymlivajecca ŭ žaŭtku.
Daśledčyki z Univiersitetu Ńjukasła praanalizavali jajki, ŭzbahačanyja vitaminam D, kab vyznačyć, jak na kancentracyju vitaminu ŭpłyvaje sposab ich zachavańnia i pryhatavańnia. Kamanda paraŭnała jajki, što zachoŭvalisia ŭ chaładzilniku, z tymi, što zastavalisia pry pakajovaj tempieratury, a taksama piać roznych sposabaŭ ich pryhatavańnia.
Ekśpierty vyjavili, što ŭ jajek, što zachoŭvalisia pry pakajovaj tempieratury, kancentracyja vitaminu D była vyšejšaj u paraŭnańni z achałodžanymi.
Kali havaryć pra sposaby pryhatavańnia jajek, to najbolšaj kancentracyja vitaminu D (109%) u paraŭnańni z toj jaho kolkaściu, što prysutničała ŭ zadadzienaj vazie ježy pierad pryhatavańniem, była ŭ amlecie.
Prykładna stolki ž u jajkach, pryhatavanych u mikrachvaloŭcy. U jajkach pašot — 93%, varanych ukrutuju — 80%, jaječni — 78%. Roźnicu vučonyja tłumačać roznymi pracentnymi stratami vahi ŭ pracesie pryhatavańnia. Naprykład, z-za vypareńnia vady.
Adnosna taho, jak doŭha možna zachoŭvać jajki, pakul majecca nievialikaja kolkaść daśledavańniaŭ. Adno ź ich pakazała, što zachavańnie jajek da 4 tydniaŭ pryvodzić da straty ad 2 da 5% ahulnaj kolkaści vitaminu D u ich.
Čytajcie jašče:
Top amletaŭ, jakija nie pakinuć vas abyjakavymi. Recepty
Dumajecie, što ŭmiejecie čyścić jajki pravilna? Voś niekalki łajfchakaŭ, jak spraścić hety praces
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie10
Kamientary