Prezident Arhienciny sustreŭsia z papam Franciškam, jakoha jon nazyvaŭ imbiecyłam
Paśla pieramohi na vybarach u śniežni minułaha hoda Chaŭjer Milej źmiakčyŭ rytoryku.
U niadzielu papa Francišak kananizavaŭ pieršuju śviatuju z Arhienciny. Mierapryjemstva pasłužyła padstavaj dla pieršaj asabistaj sustrečy Franciška i arhiencinskaha lidara Chaŭjera Mileja, jaki raniej kiepska vykazvaŭsia pra pantyfika, piša Bi-bi-si.
Francišak sam rodam z Arhienciny, a kananizavanaja im śviataja — Maryja Antonija de Pas i Fihieroa, bolš viadomaja jak Mama Antuła — źjaŭlajecca adnoj z najbolš šanavanych fihur duchoŭnaha ordena jezuitaŭ, da jakoha naležyć sam papa.
Sustreča adbyłasia padčas uračystaj Imšy ŭ sabory Śviatoha Piatra ŭ Vatykanie.
Da ŭstupleńnia na pasadu prezidenta Milej, u pryvatnaści, nazyvaŭ papu «imbiecyłam», jaki «prapahanduje kamunizm». Paśla pieramohi na vybarach u śniežni minułaha hoda jon źmiakčyŭ svaju rytoryku.
U paniadziełak adbudziecca jašče adna sustreča Chaŭjera Mileja i papy Franciška — padčas pryvatnaj aŭdyjencyi.
Sustreča adbyłasia na fonie surjoznaj palityčnaj i ekanamičnaj niavyznačanaści ŭ Arhiencinie, dzie inflacyja dasiahnuła 200%, a amal pałova nasielnictva žyvie za rysaj biednaści.
Milej zajaviŭ, što krainie nieabchodnaja «ekanamičnaja šokavaja terapija, kab spravicca ź ciapierašnim ekanamičnym kryzisam, jaki ličycca horšym za apošnija dziesiacihodździ.
Milej taksama zaprašaŭ papu Rymskaha naviedać Arhiencinu, kudy pantyfik (jaho imia da ŭstupleńnia na pasad — Chorchie Marya Bierholjo) nie viartaŭsia z tych časoŭ, jak uznačaliŭ Rymska-katalickuju carkvu.
Arhiencinski sud pastaviŭ padnožku reformam prezidenta Mileja
Arhiencina prapanavała Brytanii viarnuć Fałklendy
Prezident Arhienciny palacieŭ zvyčajnym samalotam. I heta samalot «Biełavija»
Chaŭjer Milej aficyjna napisaŭ Pucinu i Si, što Arhienciny nie budzie ŭ BRIKS
Novy prezident Arhienciny abviaściŭ płan libieralizacyi ekanomiki. U krainie pačalisia pratesty
Kamientary