Vybuchi byli čuvać u Kijevie, Lvovie, Zaparožžy, Dniapry. Pavietranuju tryvohu abviaścili pa ŭsioj krainie.
Pavietranyja siły Ukrainy i ŭkrainskija manitorynhavyja kanały paviedamlali, što kryłatyja rakiety, jak miarkujecca, «Kalibry», byli vypuščanyja sa stratehičnych bambardziroŭščykaŭ nad terytoryjaj Rasii, piša Bi-bi-si.
Niezadoŭha da zapusku hetych rakiet rasijskaja armija naniesła ŭdar dźviuma kryłatymi rakietami pavietranaha bazavańnia Ch59 Mirharada ŭ Pałtaŭskaj vobłaści, dzie raźmieščanaja ŭkrainskaja avijabaza.
Tyja rakiety, što ŭžo znachodzilisia ŭ pavietranaj prastory Ukrainy, pa paviedamleńniach Pavietranych sił, byli zapuščany z paŭdniovaha napramku — vierahodna, z karabla Čarnamorskaha fłotu. Rakiety sa stratehičnych bambardziroŭščykaŭ pa stanie a 6-j pa miascovym časie jašče padlatali da terytoryi Ukrainy.
Pavietranyja siły Ukrainy paviedamlali, što kryłatyja rakiety, zapuščanyja rasijskimi stratehičnymi bambardziroŭščykami ŭvajšli ŭ pavietranuju prastoru Ukrainy ŭ Sumskaj vobłaści i laciać u bok Kijeva.
Ukrainskija manitorynhavyja telehram-kanały i ŭłady Kijeva paviedamlali, što ŭ vakolicach stalicy hrymiać vybuchi: SPA stralała pa rakietach.
Častka zapuščanych Rasijaj rakiet, pa paviedamleńniach manitorynhavych kanałaŭ, pralacieła praz Kijeŭskuju vobłaść dalej na zachad. Adna hrupa «Kalibraŭ», jak śćviardžaje adzin z manitorynhavych kanałaŭ, užo źbitaja.
Masiravany nalot kryłatych rakiet praciahvaŭsia niekalki hadzin. Infarmacyja ab razbureńniach pakul nie pastupała.
A 8-j hadzinie rakietny nalot skončyŭsia, pa ŭsich abłaściach byŭ abvieščany adboj pavietranaj tryvohi.
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ4
Kamientary