Novy italjanski pasoł prapanavaŭ ekspartavać syr ź Biełarusi ŭ Italiju
Novy pasoł Italii ŭ Biełarusi Pjetra Tamaza Markiedžani prapanavaŭ być bolš praktyčnymi ŭ adnosinach dźviuch krain.
Supracoŭnica BT parazmaŭlała ź im na trybunie «Minsk-Areny» padčas matču pamiž minskim i maskoŭskim «Dynama», adznačaje reform.by.
U jakaści prykładu praktyčnych adnosin jon pryvioŭ zakupku pradpryjemstvami Biełarusi abstalavańnia ŭ Italii.
«My starajemsia jak maha bolš enierhična padtrymać biełaruskich imparcioraŭ, našych, dapuścim, stankoŭ pa vyrabie pradukcyi draŭlanaj mebli. Akazvajecca, našy stanki, našy mašyny, naša abstalavańnie vielmi dobraje. My starajemsia jak by padtrymać hetyja ŭzajemaadnosiny. Jakim čynam? Naprykład, vydajučy dziełavyja vizy pradprymalnikam biełaruskim, jakija nakiroŭvajucca ŭ Italiju», — patłumačyŭ pasoł.
Jon taksama vykazaŭ pažadańnie pavialičyć ekspart u Biełaruś praduktaŭ charčavańnia ź Italii, a zatym niečakana zahavaryŭ pra biełaruski syr.
«My starajemsia taksama padtrymać naš ekspart. Našy viny, našu ježu siudy. Było b vielmi cikava, kali taksama naš rynak u peŭny momant moh by prymać, dapuścim, vašych syroŭ troški. Syr u vas — pradukcyja i jakaść. Syr, śmiatanu, małako. Małočnyja pradukty ŭ vas nie tolki ŭ maštabie, bo vy čaćviortyja ŭ śviecie pa rejtynhu, a jakaść taksama. Jakaść taksama najvyšejšaja», — vykazaŭ svaje mierkavańni dypłamat ź Italii.
Pjetra Tamaza Markiedžani ličyć biełaruski narod praktyčnym.
«Tamu ja dumaju, što prosta, vy viedajecie što, treba prosta kankretna pracavać, ale treba być vielmi praktyčnymi. A biełaruski narod vielmi praktyčny», — reziumavaŭ novy pasoł.
Ab pryznačeńni novaha pasła Italii ŭ Biełarusi stała viadoma ŭ siaredzinie kastryčnika 2023 hoda. U Biełarusi jon znachodzicca ŭžo 4 miesiacy.
Jak raniej paviedamlaŭ daradca Śviatłany Cichanoŭskaj Franak Viačorka, Markiedžani budzie kiravać misijaj u statusie časovaha pavieranaha i nie budzie ŭručać davierčyja hramaty Alaksandru Łukašenku.
U apošni čas jon zajmaŭ pasadu hienieralnaha konsuła Italii ŭ Ženievie.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary