Potym pračnulisia i ščaśliva pasadzili samalot.
Ułady Indaniezii pačali rasśledavańnie ŭ dačynieńni da avijakampanii Batic Air, paśla taho jak abodva piłoty samalota Airbus A320 zasnuli padčas palotu z vyspy Sułaviesi ŭ stalicu Džakartu. Piłoty adchilenyja ad pracy na čas rasśledavańnia. Incydent adbyŭsia 25 studzienia, piša Bi-bi-si.
Jak paviedamili ŭ Ministerstvie transpartu Indaniezii, 32-hadovy kamandzir pavietranaha sudna paprasiŭ druhoha piłota ŭziać kiravańnie prykładna praz paŭhadziny paśla ŭźlotu, skazaŭšy, što jamu treba adpačyć, i zasnuŭ.
28-hadovy druhi piłot pahadziŭsia, ale taksama zasnuŭ. Paźniej jon patłumačyŭ heta tym, što dapamahaŭ žoncy pryhladać za novanarodžanymi niemaŭlatami-bliźniatami.
Avijadyśpietčary Džakarty sprabavali źviazacca ź piłotami, ale nie atrymali adkazu. Maŭčańnie praciahvałasia 28 chvilin, pakul kamandzir nie pračnuŭsia i nie zrazumieŭ, što druhi piłot taksama śpić. Jon taksama vyjaviŭ, što samalot niaznačna adchiliŭsia ad kursu.
Piłoty adkazali na vykliki dyśpietčaraŭ Džakarty i ščaśliva pasadzili samalot.
Miedycynskija testy pierad palotam pakazali, što abodva piłoty hodnyja da kiravańnia pavietranym sudnam.
Ułady abviaścili strohuju vymovu kampanii Batik Air u suviazi ź incydentam. Kiraŭnik departamienta pavietranaha transpartu Indanezii M Kryści Enda Murni zajaviŭ, što avijakampanii varta nadavać bolš uvahi adpačynku ekipaža.
Batik Air zajaviła, što pracuje nad hetym i abaviazvajecca vykonvać usie rekamiendacyi avijacyjnych uładaŭ pa biaśpiecy palotaŭ.
Ciapier čytajuć
Vyzvalenyja biełaruskija palitviaźni parazmaŭlali ź Zialenskim4
Kamientary