Najbujniejšaja pieršasnaja ŭstanoŭka pa pierapracoŭcy nafty na naftapierapracoŭčym zavodzie ŁUKOJŁa ŭ Nižaharodskaj vobłaści spyniena paśla pažaru z-za ataki bieśpiłotnikaŭ, paviedamiła «Kommiersantu» krynica na pradpryjemstvie.
Nižaharodski NPZ u Kstoŭskaj pramzonie — čaćviorty pa abjomie pierapracoŭki ŭ Rasii. Na jaho prypadaje kala 11% usiaho bienzinu ŭ krainie, za hod NPZ pierapracoŭvaje 16-17 młn ton nafty.
Ataki ŭkrainskich BPŁA na stratehična važnyja rasijskija pradpryjemstvy stali ŭ apošni čas rehularnymi.
7 sakavika bieśpiłotnik atakavaŭ mietałurhičny zavod u rasijskim Čarapaŭcy. Čarapaviecki mietałurhičny kambinat — druhaja pa vieličyni staleliciejnaja vytvorčaść u Rasii.
6 sakavika bieśpiłotniki paśpiachova atakavali Michajłaŭski horna-abahačalny kambinat u Kurskaj vobłaści. Heta adno z najbujniejšych u Rasii pradpryjemstvaŭ pa zdabyčy i ŭzbahačeńni žaleznaj rudy.
24 lutaha bieśpiłotnik nanios udar pa Navalipieckim mietałurhičnym kambinacie. Heta najbujniejšy ŭ Rasii vytvorca stali.
U noč na 12 sakavika jak minimum vosiem rasijskich rehijonaŭ byli atakavany ŭkrainskimi bieśpiłotnikami. Ab atakach paviedamili ŭłady Biełharadskaj, Varoniežskaj, Kurskaj, Maskoŭskaj, Arłoŭskaj, Tulskaj, a taksama Leninhradskaj i Branskaj abłaściej.
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach11
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary